اتغلبى على مشكلة التبول اللاارادى عند طفلك بنفسك

هنا هحاول أرشدكم لمجموعة خطوات تساعدكم فى انكم تتغلبوا على التبول اللاارادى الليلى عند
طفلك

الخطوات اللى هتساعدك هى 6 خطوات وهقولك أهمهى أى خطوة بالظبط

1- متلوميش طفلك :
لما طفلك يبلل سريره بليل و إنتى تيجيى تعاقبيه ده هيزود الضغط عليه والحاله هتسوء أكتر
الدكاتره المتخصصين بيقولوا إن صعب تمنعى طفلك إنه يتبول بليل فى السرير علشان كده الدكاتره بدورهم بينصحوا بأن مينفعش تعنفى طفلك على حاجه خارجة عن إرادته علشان ميحسش بالاحراج أدام اخواته .. ويقدر يجيلك ويطلب منك مساعدته علشان كده لازم الأم تطمن طفهلا وانه مش هو الوحيد اللى عنده كده لأ ده أمر طبيعى فى سنه
2- استشارة دكتور أطفال :
لما بتروحى لدكتو متخصص هو بدوره بيبدأ يشوف هل فى أسباب عضويه ولا لا زى مثلا هلى فى التهاب فى مجرى البول أو الطفل عنده السكر لا قدر الله بس علشان نكون عارفين إن معظم الحالات مبيكونش السبب عضوى ممكن جدا يكون مجرد تأخر فى التحكم فى عضلات المثانه.
3- شجعى طفلك إنه يروح الحمام بليل قبل النوم :
لازم ابنك يروح الحمام قبل ما ينام لان دى الطريقه الفعاله علشان تحاولى تحافظى على السرير جاف .. ولازم يقلل من شرب السوائل قبل النوم ببضع ساعات.
4- دايما حفزى طفلك :
لازم يكون فى عامل إيجابى تشجعى بيه طفلك زى تتشريله لعبه بيبحها لو عدى ليله مثلا من غير ما يبلل السرير أو يخرج خروجه نفسه فيها أو فيلم كارتون بيحبه.
5- الإمساك :
لازم تتأكدى إن طفلك معندوش إمساك مستمر لأن الإمساك بيضغط على المثانه فبيأدى للتبول اللاارادى وفى الحاله دى لازم على طول طفلك يأكل أكلات ملينه وتساعد بشكل كبير لعلاج الإمساك.
6- جهاز إنذار التبول :
ده جهاز عباره عن إنذار بيصدر مع أول قطرة بول بتنزل من ابنك وبيساعدك بشكل كبير فى حل المشكله لأنه بيساعد طفلك كمان فى إدراك عملية التبول وبيولد الارتباط الشرطى بين المخ والمثانه.
منقول
المصدر موقع تبول لا ارادى
اتغلبى على مشكلة التبول اللاارادى عند طفلك بنفسك - منتدى فتكات