اتغيرنا انا وزوجي وصرنا نكره بعض؟؟؟

السلام عليكم ورحمة الله وبركاته

بادخل في موضوعي على طول من دون مقدمات

انا متزوجه من 5 سنين.... زوجي كان طيب جدا وحنون وكريم ويحبني مووووت وانا كمان حبيته ومن كثر حبي له نسيت اهلي

كنت انا المحظوظه بين اخواتي في هذه الزواجه والكل يتكلم عننا.. لان حبه لي واضح جدا


دارت الايام والرجااال تغير وكل ماله يتغير اكثر... صااار بخيل... يسب ويتكلم في شرفي وشرف خواتي... طول يومه برى البيت واذا جاء نام... صار يعشق شيء اسمه النظر الى الحريم...احسه يكرهني ومشاكلنا كثرث

وحتى انا صرت اكرهه... اتمناله الموت وكل شر انه يصيبه.. عشان افتك من حياتي معاه ومااحد مصبرني عليه الا عيااالي بنتين وولد...

واكبر مشكله((( امه)) يطيعها طاعه عمياء...

حالته الماديه ممتازه جدا وهذا الشيء مخليها تحطنا تحت عينها ..ايش جابلك وايش اشترالك..

وكل مالقت او سمعت اني اشتريت شيء حتى لو كان ضروري تبدا نار الغيره تاكل صدرها وتجلسلي على الدقه.. تدورلي زله او غلطه عشان تسوي بيننا مشكله .. وتبان خفاياها اثناء المشكله ويطلع ان السبب الحقيقي في المشكله انها مقهوره مني ليش اشتريت كذا؟؟؟


والله يابنات حتى بناتي لما اشتريتلهم اساور ذهب حرقت الدنيا؟؟ تقول ليش؟؟ مو حرام تشترون لهم وهم صغار 4 سنين و5 سنيين


المشكله ولدها يقولها كل شيء وتجي على راسي...

ولدها حالته الماديه ماتحسنت الا بعد زواجنا وولله الحمد وقدر يعمر بيت وطبعا هذا الشيء خلاها تكرهني بزياده لاني في نظرها مااستحق البيت

احسها انانيه تبغى خير ولدها لها ولبناتها العوانس مع العلم انها مو محتاجه وهو اصلا مايقصر عليها وعلى اخوانه كلهم بنات واولاد لانه اصلا كريم

وعلى طاري الكرم هو صار بخيل علي وعلى بيته وعياله بس اهله طبعا لا..

يابنات انا صرت بس ادعي عليه في كل سجده من جد صرت اكرهه مااطيق اطالع بوجهه.. امي تقولي ادعيله بس والله مااقدر

احسه عدوي.. هو الوحيد اللي يسبني ويهينني ويضربني في اوقات ويخلي امه تدخل في حياتنا ولو كانت غلطانه..

احسه معتبر امه رسول او نبي...

مابيننا حب ابد ولا رحمه ولا حنان صرنا جافين مع بعض في المعامله.. دايم يغلط وينتظرني انا اجي ابوس راسه واقوله اسفه...

دايم انا اللي ارجعله ..تدرون ليش؟؟؟ لاني لو ماارجعت يبدا في العناد ماينام معانا .. مايجيبلنا طلباتنا... واصلا ماعاد نشوفه.. ينعزل في مجلس الرجال

يابنات اتخيلوا لو اقوله اعطيني ابي اشتري كريم.. يقولي مالي دخل هاتي فلوس وانا اشتريلك.. اقوله من وين؟؟ وانا ماعندي احد يعطيني

احس حياتي معاه ممله ومالها اي طعم .. اتحسف على السنين اللي راحت من عمري واللي لسه بتروح

يمكن انتم تقولون لي كلميه ؟؟؟ انا اكلمه بس بدون فايده يومين ويرجع الوضع كما هو عليه.. وكل يوم يزيد حاله الى السوء اكثر واكثر

افكر اتطلق منه وارتاح واروح اشوف نصيبي وحياتي وانا لسه صغيره الحياة قدامي ليش اضيع عمري في هم ومشاكل ونكد

بس امي واخواتي وصديقاتي يحذروني من الطلاق الف مره ويقولو استحملي الاهانه والسب والخيانه ولا تتطلقي ..............ز بالله انتم ايش رايكم؟؟

اكيد زوجي في عيوب اكثر من كذا بس انا مااقدر اكتب كل شيء لان خواته دايم هنا في المنتدى ومانبغى تصير مشاكل


واكبر مشاكلي معاه بس بدات تخف.... انه يبي ينام معي من ورا بس انا ماارضى انا اخاف من الله... يقولي اذا تبيني احبك واصير خاتم في اصبعك واصير لك خدام ومااطالع في غيرك اعطيني من ورا


هااااااااااااااا.. وش رايكم.... انا مااشك انه يخونني بس عينه طويله

انتظر ردودكم