بصراحه ما كنت ارد نهائي
بس مع الوقت وبمرور الزمن ارد بس مش من اول ولا ثاني ولا ثالث اتصال
واذا ولدي قريب اخليه يرد اذا حرمه اكلم
اذا رجال بيكون غلطان وتنهي المكالمه اسف غلطان

انا كنت ماارد لكن اوقات صحباتي يتصلون من ارقام اهاليهم عشان كذا سرت ارد ...بس غالبا اتردد مارد بسرعة

اول مره مارد ثاني مره مارد ثالث مره ارد واسكت ماتكلم والاغلبيه يطلع من اخواني الله يحفظهم
إن شاء الله مايجيني موقف مخالف يارب

ويا حبي لك ولردودج الراقية اللي تفتح النفس وتسر الخاطر...أسعدتني مداخلتج ومرورج يا الغلا...



لا يا أم عنترة يا كثرهم اللي يلصقون!!!...الله يكفينا شرهم ونواياهم الخبيثة...أسعدني ردج الطيب ومرورج يا الغلا...



الله يعافيج حبيبتي ويعافي لك كل غالي...أسعدتني مداخلتج وردج الطيب يا الغلا...



فدييت قلبج وترمسين إماراتي حتى أحسن عني ما شاء الله لا قوة إلا بالله...يا قلبي فيه ناس حتى لو أنتِ ما رمستي يسويها عناد ويتم منطم وساكت في هذه الحالة ما شيء حل غير تقفلين الخط في وجهه...أسعدني ردهم ومرورهم اللي يرمسون إماراتي...



فديييتج والله ضحكتيني بجملة لو يتعلق بكراعينه!!!...عندج مليون حق حد من الناس ما أدري شو المتعة اللي يدورها بمغثته للناس وإزعاجه لهم نسأل الله لهم الهداية والصلاح...أسعدني مرورج وردج الطيب يا الغلا...



المشكلة حبيبتي فيه نوعية اللهم يا كافي ما يطفشون ويمكن يغير الرقم حتى عشان يزعج الناس ويقلق راحتهم...نسأل الله العفو العافية والمعافاة التامة الدائمة في الدنيا والآخرة...أسعدني مرورج وردج الطيب يا الغلا...



فيه حد حبيبتي حتى لو تسكرين الخط في وجهه ما يحس على دمه هذا ما يحتاج إلا تكسرين الموبايل على راسه لأن الله ما يرضى بمغثة وإزعاج مؤمن أو مؤمنة...أسعدتني مداخلتج ومرورج يا الغلا...



وإذا كان زوجك حبيبتي مش موجود شو راح تسوين؟؟؟...حقريه ولا تردين حتى لو يتم يتصل لباجر الصبح...أسعدني مرورج وردج الطيب يا الغلا...

انا ماعندي اي مشكلة بالعكس ائيد بالرد وحصل مرة نقاش مع زوجي علا الارقام الغريبة وقلت وجهة نظري اني لو احد دق عادي ارد وهوة رافض وقلت لة ان اذا كان المتصل غلطان مابيظرني بشئ كلها ظغطت زر وقلت لاتحاول اني مارد وفعلا يوم دقت المدرسة حقت بنتي ورديت لان بنتي كانت تعبانة وكان الرقم مو مسجل عندي بس بقول موقف حصلي ارعبني مو بالتلفون لا بالواتس رسل رقم بدون اسم اخر رقمين زي رقم اخوي كتب اسمي وكتبت هلا وبعدين انشغلت شوي لان على جية زوجي من الدوام ورجعت للواتس الاكاتب معليش ياخت كاتب اسمي انتي لقبك كذا صح وفعلا جاب لقبي صح انا رسلت لك بالغلط لان اسمك زي اسم زوجتي ولقبك ورقمك كمان انا عاد هنا جاتني زي مايقولون ام الركب فجعة فضيعة وزوجي يقول اشفيك قلت مادري شوف اقرا عاد رسلو انت مين قال خلاص ياختي قلت لك انا غلطان مابغئ منك شي امسحي الرسالة خلاص بس مدري ليش شكيت انة في احد مرسلة لان الرسالة جات وزوجي داخل من الباب بس بعد كذا تووبة اكتب لاحد في الواتس ماعرف هوة مييييين