ladyreem @ladyreem

عضوة جديدة

اتفدملي عريس تاني ونفسي تنصحوني هموت من القلق

أولا عايزة اشكر كل اللي ردو عليا المرة الماضية لأنكم بجد أفدتوني وفعلا كل اللي قلتوه كان صح ورأيكم صواب علشان كدة اي عريس يتقدملي هاخد رأيكم ان شاء الله ربنا يجازيكم كل خير المهم ان انا المرة دي محتارة أكتر من اللي فاتت وأرجوكم تساعدوني لأن العريس أصغر مني بأربع سنين يعني عندو 21 سنة ولسة متخرج من الجامعة السنة دي اولا بين الاسرتين صداقة لكن مكنش فيه أي تعامل مع ولادها اوأي كلام وفوجئت من سنة ان الام عايزة تخطبني لابنها أنا طبعا رفضت بزوق لأني مش متقبلة اني اتجوز واحد اصغر مني بسنين كنت بقولها ياطنط خليه يشوف مذاكرته ومستقبله وقعدت تلح علينا وصلت لدرجة انها كانت بتعيط ووعدت بأني هكون أسعد انسانة في الدنيا بعد ابنها ما اتخرج واشتغل والحت أكتر من اي مرة وفوجئت بماما بتقولي وفيها ايه يابنتي ما تشوفيه واقعدي معاه يمكن يكون احسن من كل اللي بيتقدمولك خصوصا انه ولد محترم ومتدين وعلي خلق سألت مامتو هو ابنك يعرف انك بتطلبيني من سنة ورأيه ايه قالت احنا هنقوله يعني هو هيقول ايه اكيد مش هيرفض المهم هي فاهمة اني مش مقتنعة اوي ماماقالتلها انا هقنعها بس اديني فرصة ومتقوليش حاجة امامها وفعلا جه وقبل ما أدخل قولت لمامتو متزعليش ياطنط لو مكنش فيه قبول او الموضوع ممشيش احنا اصحاب واهل اتضايقت وقالت يبقي انتي ناوياها انك ماتوافقيش قعدت مع ابنها لوحدنا واتكلمنا اولا لقيته خجول جدا هو بداالكلام وبعدين قولتله انت تعرف اني اكبر منك ب4 سنين قالي أنا معرفتش الموضوع ده غير قبل ماأجي مامتو قالتلو انها سنة واحدة بعدين 3 واخر حاجة قالتلو4 وانهم رشحوني ليه بس من أيام لكن عامة انا شايف ان فرق 4 سنين مش كتيروادينا قعدنا مع بعض ونبقي نفكر علي راحتنا استغربت قولتله امال طنط بتفاتحنا بقالها سنة بناءا علي اي اساس هو انت رأيك كدة تحصيل حاصل قالي هو كدة فعلاوانا زعلت منهم انهم خدوا رأيي في الاخر عامة مش هنختلف احنا بردو هناخد فرصتنا سألته ايه اللي خلاك تفكر في الجواز دلوقتي قالي بصراحة أنا مكنتش بفكر فيه لكن والدتي ست مريضة وقالتلي ياابني انا نفسي افرح بيك وكنت مضغوط عليا في موضوع الجواز نفسه مش عليكي وناقشتهم كتير اني أجل الخطوة دي لكنه أقنعوني وانتي اختيار امي وابويا وأكيد هما مش هيختارولي حاجة وحشةقولتله يعني لو اختارولك واحدة غيري مش هيفرق معالك قالي اي واحدة كانو هيرشحوهالي كنت هروح وهشوفها وبعدين أقررقولتله يعني لولم يختاروني انت كنت هتختارني سكت ومردش لما لقيته بيقولي كدة قولتله طب فكر في شغلك وحاول تحقق أحلامك انك مثلا تجيب عربية وكذا وكذا ابتسم وقالي يعني الحاجات دي مينفعش تيجي بعد الجوازينفع طبعا قولتله أه ودخلت مامتو وماما وقولت كل الكلام الغريب اللي قالهولي اللي طبعا اتفهم علي انو ملهوش شخصية مامتواتضايقت من المواجهةدي وقالت انها بالعكس قالتلو كل شئ مع انو رفض يحرج مامتو انا صدقتو هو انا عملت المواجهة دي علشان هي بترجع تبسط الامور وتنكر اغلب الاحداث وزعلت طبعا لأنها اتحرجت لكن انا كان نفسي أعرف الحقيقة ووضحلي ان مرتبه ضعيف وسالني اذاكنت هقدر اعيش معاه بيه وجت بعدها هي وباباه هوكان الي حد ما بيسمعني ويقدر لكن هي كانت زعلانة من مناقشتي ليها في انها بتقررلأبنها واتغيرت في معاملتها معاياوقولتلهم ان كلامه ده ليه معنيين اما انو لسة صغير ومش مدرك الموضوع او مش موافق وانتو ضاغطين عليه زي مابيقول قالو هوأول مرة يتقدم لواحدة وبعدين ده لسة خام وسألتهم في نقطة انو كل شوية يقول ان مرتبه 600جنيه قالولي هو بس حاسس انهم قليلن وعامة احنا هنساعده ياريت تقولولي رأيكم ماما شايفة ان ده ولد خام بكرة هيفهم ويقدر كل شئ كفاية ادبه واخلاقه واني بيتقدملي ناس قليلين وأقل منه في المواصفات ومش مناسبين تقريبا عاهات وبعدين الغلط كله غلط اهله هو ذنبه ايه انهم قالولومتأخر لكن اخويا اللي هو أصلا اصغرمنه بسنةانه مينفعش بالمرة أرجوكم ساعدوني مستنية ردكم

539

يلزم عليك تسجيل الدخول أولًا لكتابة تعليق.

تسجيل دخول

م ه الشرقيه • 14 سنة

يشرفني اكون اول وحده ترد عليكي ,,,اول حاجه صلي صلاه استخاره,,,ثاني حاجه انا اشوف ان 4 سنوات مو بسيطه تفكيرك مش زي تفكيره ومع الايام بتحسين انه طفل بالنسبه لكي لا ني انا اشوف اخويه الي اصغر مني احس اني تفكيره يختلف عن يعني فيه اشياء انت تفكرين فيها هو يشوفها عاديه ....وبعدين ترا الكبر يبان في المراه قبل الرجل ,,,,هذا راي الخاص لو عليا ارفض ويعدين انتي يقولي امه هي الي قاعده تفكر له يعني هو ورا امه في كل حاجه يعني ماله شخصيه والله هذا راي يكل صراحه ,,,تقبلي مروري:39:

مارياالدلع • 14 سنة

مادري لو مسألة العمر بس
فأشوفها ماتشكل عائق , كثير
زوجات اكبر من ازواجهم
لكن لو شايفه انه اهله ضاغطين
عليه ا عشان يتزوجك او انتي مو راغبه فيه
فأنصحك
هنا ماتقبلي به لانه الزواج
لا يوم ولايومين ,فكري وقررري
واستخيري

‏رٍيـــﮯم إْلمآجدّ • 14 سنة

صلي الاستخاااره وفكررري بالموضوع
كوويس ولاتستعجلي لابالرفض ولا بالقبول
ادررسي الموضوع من جميع النواحي
والله يوفقك ياااااااااااارب

سكر بناات • 14 سنة

مـآدري اش اقـووولك

بسس ربي يكتبلك الخير

وعليك بلاستخـآآره ..

ندو 11 • 14 سنة

لازم تصلين الاستخارة بعدين انا بنت عمي تزوجت واحد اصغر منها بأربع سنوات والحمدالله سعيدة
لكن اعجبتني صراحته
ولو انا مكانك اكيد ارفض لاني مااتحمل اتزوج واحد اصغر مني بأربع سنوات
وانت ورغبتك
واذا كان على الراتب يااختي الغالية الرزق بيد الله انا خاطبني واحد راتبه قليل وماشلت همه لاني عرفت ان الرزق بيد الله
واطلبي الخيرة من الله والله يستر عليك اخاف اقولك خذيه ويصير شر واقول لاتاخذينه ويكون خير