اتفاهمووو واصري على رأيك طبعا بدون مضاربة
وازا هوا مصر على رأيو ويبغاكي تتركي الدراسة اتركيها سنة سنتين و****لله انو يغير رأيو
ماشالله اعرف ناس كملووو بعد سنييين طويلة انقطاع عن الدراسة
وايش الفرق بدراسة والا بدون دراسة مافي وظايف شوفي الخرجات كيف مليانييين جالسين في البيوت :(

يعتبر زوجك نقض العهد وابطل عقد الزواج اذا سقط شرط من شروط العقد اصرى وكافحى انا زوجى منعنى انى اكمل وحرمنى سنتين ماسجلت الا بعد ماجبت بنتى لا وانتساب لانو يعرف الانتساب فرص النجاح قليله والله انى مقهورة والاهم اهلى طيبيبن قالو خلاص اتركيها استغلنى ماغير يستهين فيا عيلتهم كل بناتهم موظفات او مكملين الدراسه جامعيات ماصار يعملى اى قيمه وكل شى والتانى انتى ماتفهمى والله ندمانه حتى لمن رسبت حسيته يبغاها من الله ولا واسانى ولا وافق لقرارى انى اسجل منتظم الشى الوحيد الى قدمه مشاكله وانانيته الله المستعان

ابدا لاتتركين الدراسه انا الحمد لله كملت اربع سنوات الجامعه مع شغل البيت والحمل وتربيه الاطفال والحمد لله لدي الان شهادتي ومتى مااحتجتها قريبه مني..مع انه قالي اختاري بيني وبين الدراسه فذكرته بانني كاتبه في العقد الدراسه بس تمسكت فيها وتملكت شهادتي.....

الدراسة ثم الدراسة ثم الدراسة انتبهي لها واحرصي عليها :)

نبض الوفا

والله لا قد شفنا لا فوزيةة دريع ولا نواعم ولا مني سليمان

سبحان الله العظيم واتوقع ان الكلام اللي قلته ما بيعجب لا برنامج نواعم حقك ولا غيرة

شوفي اختي الكريمة صراحة ما احب اهاتر وارادد الناس مثل طريقتك البديعة في الرد

اطرح الفكرة وامشي وكلامك اللي قلتيه هو مشكلة الجميع هنا هو مجموعة نماذج خليناها قاعدة موجودة واساس ننطلق منه

يعني يا ادرس واتوضف ولا بحسر زوجي علي ويتزوج علي ويكفخني وش هالكلام اللي ما فيه اي معنى

تنوزرنا وعرفنا حقوقنا من 1400 سنه ولا خلانا بهالمستوى الا غياب الدين وارتفاع شرع العوئل ودين القبيلة و شريعة العادات الاجتماعية اللي طلعت لنا رجال ما يصرفون علينا ولا يتزوجون علينا

شوفي يا اختي .. انا قلت بكلامي نتعلم هذا حق للجميع من الله خلق النساء ومهب حق تونا نعرفه..والحاصل الان الاغلبية تكمل دراستها الا ما ندر وهم قليل وحتى لو قطعت دراستها تكملها بعد فترة من الزواج وفية مثل نموذج الاخت وفية اللي تقطع دراستها بس ما تتندم وفية اللي تقطع دراستها وتتندم حالات مختلفة متنوعه ..

وانا جاوبت الاخت وقلت ان الشرط لابد ينفذ وانتهت المشكله بس الموضوع كبر وكل وحدة تطرح الموضوع من وجهة نظرها وتبدأ تتهم وتهاجم وكأن المجتمع شكل واحد ونمط واحد .. كان الرجال والنساء مثل بعض!!

اختي الكريمة زبدة الكلام ان الكلام الي تقولينه ما اعتقد أختلف في شيء من الكلام اللي اقوله ان التعليم حق للجميع والبنات الان نادر جدا من تتزوج وماخلصت على الاقل تعليمها الثانوي والكثير يكمل بعد الزواج يا تعليم انتساب او دوام والحمد لله الامو تيسرت الان اكثر من اول قريبه لي بعد زواجها بخمس سنين كملت عن طريبق البلاك بورد وماشاء الله عليها ماشية بأفضل ما يكون اللي عنده العزيمة ما راح يوقف في طريقة شيء ولو وجدنا نماذج سلبية من الرجال فبالمقابل تجدين نماذج ايجابية من رجال عاونوا نسائهم في الدراسة ولكل حالة حلول خاصة بها والاخت هنا طرحت مشكلتها وقلنا لها ان الدراسة من حقها ولو راحت المحكمة لحكمت لها لانها شرطتها كشرط .. لكن نبدأ نعمم والكل مثل حالة الاخت السائلة هذا غلط.

عزيزتي انا طرحت افكار فناقشي الافكار ولا تناقشي شخص صاحبة الافكار ومثل ما قلت لك لو الزوج راتبة الف ريال المرأة من حقها الراتب كله واذا ارادت الوظيفة لتدعم اسرتها فهذا من حقها لكن ليس من حق الزوج ان يغصبها على الوظيفة ولا ان ياخذ مالها .. هذه هي الفكرة يا اختي الكريمة فارجوك بطلي شغل الهواش وتكلمي بهدوء المشكله هنا مشكلة الرجال الخايبين اللي اخلوا باهم شرط في الزواج وهو النفقة وهذا اللي مفروض نحاربه ونوجه النظر اليه مشل ندفع بالمرأة الى الوظيفه لكي تكفي نفسها وعيالها..اجل ليش الزواج من اساسه! دام بأتوظف واكف نفسي؟؟

وسؤال اخر عزيزتي.. وش هالوظايف اللي يسمعك يقول ماشاء الله الوظايف تنتظر عند الباب وكأنك منتي شايفه الوضع الصعب والمستوى المالي اللي نعيشة اذا الشباب مهب لاقينها نلقاها احنا!!

أختي الكريمة انا متعلمة ومتخرجة بأفضل شهادة وجلست في البت اشوف نفسي واربي ابنائي واكيد بيجي الوقت اللي احتاج فيه شهادتي لو سائت الاحوال الاقتصادية في اسرتي او شت الوقت مناسب كي أبدأ بالعطاء بدون ما اضيع عيالي او زوجي ..

لكن اتخاذ الموضوع كقاعدة مثل ما انتي تتكلمين هذا غلط وغلط كبير..

بس انتي الله يجزاك خير نطيتي وقمتي وقعدتي وخليتين راعية برامج يا حليليك بس يالغالية انا متعلمة واقرأ واطالع وما اذكر قد شفت حلقة من كل البرامج اللي ذكرتيها بالعكس والله ماعتبرها الا مصخرة وبرامج شكليات فارغة.. بالله سلمي لي انتي على منى سليمان اذا شفتيها طيب