اتفقنا واختلفنا

السلام عليكم ورحمة الله وبركاته
انا وصديقتي اتفقنا اننا نسوي مشروع مربح و دخلنا جمعية واستلمنا الفلوس واستغربت من وحدة من اخواتي عرفت الموضوع وجات وطلبت المبلغ مني وحلفتلي ترجعه بعد شهر واعطيتها هو وكنت واثقة فيها والكلام هذا قبل شهر وماقلت لصديقتي عن الي صار لانه المشروع يبالوا وقت ودراسة جدوى ومطول وعشان كذا اعطيت اختي الفلوس لانها بترجع الفلوس قبل مااحنا نبدا فيه ومن اسبوع صديقتي كلمتني وتناقشنا في المشروع واختلفنا في الفكرة واعطيتها رأيي وماعجبها رأيي واختلفنا وقالتلي رجعي لي فلوسي وقلت لها من حقك و ابشري على اساس اليوم ارجعها كلمت اختي وقلت لها ترجع الفلوس وقالت اختي بترجعها وبعدين اختي صارت تطنشني وبعد كم يوم ردت عليا -طبعا هاليومين اضطريت اني ما ارد على صديقتي بسببها احرجتني مع الادمية - وبعدين ردت عليا وقالتلي عالواتس انتي ايش عندك كل شويه ناشبتلي ايش فيك مو واثقة فيا و جننتيني قلتلك انا برجعها وبكيفي مع اني وثقت فيها وما اذيتها ولا ازعجتها بكثرة الاتصال طول هالفترة ماتكلمنا انا وهي الا مرتين وماجبتلهازطاري الفلوس المهم في الاخير ارسلتلي ملاحظات صوتية اسمعي اذا تبين فلوسك والله حاليا صرفتها بس اذا تبغي اعطيك من عندي ابشري وانا مو حرامية وعيب عليك تخوونيني ومن ذا الكلام وترى انا عندي خير وعندي فلووووس وحسابات بالبنك وعندي شغالة ووووالخ وقعدت تعددلي نعم الله عليها عندي وعندي والخ ... واغلبها كذذذذب انا عارفة انها تهايط الله يهديها بس تبي تبان قدامي انها البنت الي عايشه حياة مرفهه بس والله انا عمري ما بينتلها شي من ذا كلو واعاملها بمايرضي الله والحمدلله عندي خير بس ما احب اتكلم او اتفاخر زيها واستغربت من كلامها ليش تقولي كذا ؟ !
المهم حاولت اتواصل معاها واتس او اتصال ولقيتها حاظرتني من كل البرامج ايش رايكم بالله انا عارفة اني ضريت نفسي بطيبتي وثقتي الزايدة بس مهما كان بالله مو حركتها عيب ؟ والله قهرتني الحين الادمية تبي فلوسي واختي ماترد ايش الحل؟