اتقابلنااااااااااااااااااااا:i con28:

السلام عليكم ورحمة الله حبيباتى...
واخيرا وبعد مداولات ومشارورات ومحاورات امتدت خمس ايام تقريبا تمت بحمد الله المقابلة الجماعية لبنات حواء المقيمات بتورنتو البلد.. :icon28:
واليكم تقرير وافى شافى عن المقابلة...

خرجت من بيتها العضوة ليتل دوف واتجهت للنطقة اكس ولما وصلت ملقتش حد هناك!!! :D
طبعا المدعوة فانيليا جت متاخرة كالعادة ومعايا جارتى حبيبتى ام عمر :27:

فانيليا وام عمورى تقتربان من المنطقة اكس شايفين واحدة عمالة تشب من الزجاج المقابل وتبصلنا انا اهو انا اهو...
ليتل دوف؟؟ اه انا
فانليا؟؟ اه انا
ودى صحبتى ام عمورى..
انا اسمى ...
وانا اسمى...
تعارف وقبلات واحضان وضحك كانت مقابلة عسولة جدا.. :39:

اومال فين رغد الحياة....ليتل دوف كلمتها لما وصلت وطلعت مريضة شوية وما قدرتش تيجى...خسارة كان نفسنا نقابلها جدا.. :( الف سلامة عليكى يا رغوودة..

توجهنا من الموقع اكس للموقع زد بتيم هورتنز حبيب الشعب كان زحمة موت بس احنا فضلنا متنحين لحد ما فضى مكان وقعدنا كلنا احنا والاولاد :30:

مسكينة ليتل دوف وقعت فى ايدين اتنين ستات بيوت واربع عيال ..طول القعدة بس يا واد هس يا بت..:icon29:
لو البنت ما دخلتش المنتدى تانى يبقى غالبا بسبب مقابلتنا..سورى يا جماعة والله..

طلبنا طلباتنا وشاينا وقهوتنا ورغينا رغينا رغينا واتعرفنا وطبخنا وعملنا كل حاجة كانت قعدة جميلة اوى والله .. :27:

وبعدين توجهنا للمدعو وينرز بس لما دخلنا عتقنا ليتل دوف لوجه الله منا ومن دوشتنا وقلنلها لفى براحتك انتى ..سلمنا سلام حار مصحوب بدعوات صالحات اننا نتقابل تانى ان شاء الله على خير ..
كانت مقابلة جميلة ومشوقة جدا ان شاء الله تتكرر تانى قريب جدا وبناس اكتر ..
يلا اشوفكم كلكم على خير يا رب:heart: