اتقان المحادثة في اللغة الانجليزية

هلا الغاليه...

أكيد في أمل...وتأكدي مافي مشكله ألا ولها حل...

طيب.... ليش أنتي بالأساس تتلخبطين هل هو نوع من الخوف في المواجهه شفوياً؟؟؟؟

حبيبتي... عشان تقدرين تتمكنين من المحاثه بطلاقه.....

1- حاولي في البيت تتكلمين مع نفسج بس جدام المنظره ( المرايا)...بكل ثقه..

2- حاولي تكسبين عمرج مهارات زياده في ( الكتابه, المحادثه, القراءه,, الاستماع) من خلال..
قراءه القصص و الاستماع ألى الاشرطه الانكليزيه...

3- حاولي تتكلمين مع صديقاتج بالأنكليزي.(..وهذا بدوره دافع للاحسن...)

4-وأذا حبيتي تتواصلين معاي على الايميل... ( من عيوني).. وراح أساعدج في اللي تبينه

أتمنى أكون وافيتج لو بالقليل..

محبتي لك...

ميرة دبي.....تسلمي يالغالية على مرورج وتقديرك للوضع الذي أنا فيه...
بصراحة ماأدري ليش اتلخبط يمكن مثل ماقلتي الخوف من المواجهة..بس معقوله لهذه الدرجة توصل عندي؟؟ صدقيني ماأمزح ولاكلمة أنطق ليش ماأدري؟؟؟

بالنسبة للطريقة الأولي أني أتكلم في البيت قدام المرايا سويتها كذا مرة وأحس عمري أحسن من لاشيء أصلا حتى وأنا أشتغل في البيت أو اسوي شي تلاقيني أتكلم مع عمري بالأنجليزي....(( لحد ماقالوا لي مجنونة))

الطريقة الثانية أحاول دايما يكون معي ورقة وقلم وأي كلمة أشوفها قدامي جديدة أورح أسجلها واحفظها بعدين..لين ماتكون عندي ثروة من الكلمات وعلى فكرة أنا أكتب خواطر بالأنجليزي لوتريدين أرسلها لج وتقيميها بنفسج ومثل ماقلت أنا في الكتابة أوكيه فيها بس شوية أتلخبط في الكرامر...

بس تعرفي شوبحاول أجرب النصيحة الثالثة(( هذا ويهي لولقيت وحدة فاضيه لي)).

وشكرا لك من أعماق قلبي وإن شاء الله مثل مافرحتيني بردج الله يفرحج دنيا وآخره..وفرج عنك كل ضيق وشدة.....قولي آآآآآآمين.