اتقدم لي واحد ومتزووج ومحتاارة

السلام عليكم

كيفكم ياارب تكونوا مبسووطين

حقيقة انا قبل لا اكتب الموضوع هنا كتبته في منتدى ثاني
بس ولا احد رد


اسمعوا قصتي



في مره من الايااام واحد من الدعوة والارشااد كان بيكلم امي

عشاان هيا بتستغل معاهم وكده
وظل عااد يكلمهاا زي امهاا
ويسااعدنا لو احتجناا شي لان ظروفنا صعبة


وفي يوم طلب من ماما تدور له على عروسة وماما ما حصلت وقالها طيب وحدة من بناتك ولان ماما تحبه اختارتني
وكنت رافضة بقووة
واختي قالت لي ترى ممكن يكون نصيبك وانتي ترفضيه ولما تكبري ما يجيكي احد طيب جربي وكده

واقتنعت وجا يوم الشوووفة

وهو شافني بس انا لا كنت مستحية وطلب انه يشوفني ثاااني

وكنت مو حاطة مكيااج ولا شي يعني مشا الله مشاالله
قال عني ملكة جمال مشاااء الله

وفي نفس اليوم جابلي لاب توب وكل شي بطلبه بنفذه

وحصلت كثير مواقف منها اننا سافرنا جدة وهو كان هناك واتقابلنا ومعايا اهلي وشفته واتفقنااا وحقيقة هو حلووو

مواصفااته

هو مشاا الله وسيم بس الدقن حقته مكبرااه شوية مع اني طلبت منه يخففها بس رفض

وحالته المادية ميسرة
وقال بيعيشني بفلة
ورومنسي
وكمااان يعرف ربنا ومتدين يعني ما فيش حاجة اسمها اغاني ولا سفر برااا
انا اقنعته بحكاية نساافر وقال ان شاء الله


عيوبه :44:
انه متزوج وعمره 27


وقالي ان مراته مو مهتمة بنفسهاا وكم مره ينصحها تهتم بيه بس ما تتجاوب معااه وانه اتسرع في الزواج منهااا

وقالي ان مهري 20 الف اتخيلوا مع ان واحد اتقدم لي وقالي 35 ورفضناا

وماما احيانا تقولي والله ما هتلاقي زيه مواصفاات

خصوصا انه مررررره يحبني

واحيانا تقول انا عمري ما ازوج بنتي واحد متزووج

والله محتاارة

خصوصاً اني ما ابغا اعيش حياتي في غيرة وهم وكده

ونفسي اتزوج واحد شااب بس اخااف انه يكون مو قد المسؤولية ويمكن يروح يتزوج عليا
لكن هذا متزوجني الثانية راح اكون ماليه عينه
:(


صدقوني محتاارة وحااسة اني خلااااص