اتقوا الله ... الا .. عرض الناس وشرفهم!!!

السلام عليكم
شخباركم ..................... يارب تكونوا بخير........

بنات بقولكم شي صار جدامي كنت رايحه زياره لصديقه لي وتعرفون قعدت البنات ماتخلا من الحش والشماته المهم جابوا سيرة بنت اعرفها معاي بالعمل بنت قمة الجمال والاخلاق والطيبه هالبنت عمري ماشفتها زعلانه او مكشره بوجه احد ولاسمعتها بيوم تجيب سيرة احد بالغلط يعني بصراحه كامله والكامل وجه سبحانه ... والا هالبنات جايبين سيرتها بالغلط ويقولون انها تلاحق واحد وتبيه واستغفر الله قعدوا يذمون فيها جدام اللي يعرفها واللي مايعرفها استغفر الله واتوب اليه سألت البنت اللي على كلامهم انها تلاحق زوجها قلت لها يافلانه شنو هالكلام قالت هذا الصج قلت لها حتى لوفرضنا ان هذا الصج انتي شلون تتكلمين عن البنت جدام الناس البنت انا اعرفها قمة الاخلاق والادب حرام عليج تتكلمين عنها شرف الناس مو لعبه وخصوصا هالبنت مومتزوجه يعني بكلامج انتي قاعده تشوهين صورتهاوسمعتها خلاص اذا صج مثل ماتقولين تلاحق زوجج كلمي زوجج يغير رقمه اذا اهي مضايقته صج بس الظاهر العكس زوجج اهو اللي يلاحقها وانتي محتره منها ... قلت لهم قبل مااطلع اتقوا الله بأنفسكم الا عرض الناس وشرفهم لاتتكلمون فيه وطلعت وخليتهم...
يابنات انا بسألكم اللي انا سويته صح او خطا؟ وهل اقول للبنت او اسكت ؟
انا احترت ماني عارفه شسوي ارشدوني الله يوفقكم...
ونصيحه لكم ياخواتي لاتتكلمون بعرض الناس وشرفهم ... واللي يستر على مسلم ربنا يستر عليه...
اللهم سخر لي قلب من احب ... استغفر الله واتوب اليه