بصراحة انا كنت ادرس في أهليه
وماعمريت مديت يدي او تلفظت علي الطالبات وكنت دايما احاول اكسبهم
بس والله العظيم كانو يمرون علي بنات قسم بالله اشك ان مالهم اهل يربونهم الفاظ وصخه وكلام استحي اكتبه
ولا فيه وحدة من زميلاتي المعلمات قالت لها طالبه انتي ملابسك على حسابنا انتي تشتغلين بفلوسنا حنا
والله زميلتي فصلت وكرهت التدريس كله وانا بعد شهرين من بداية الخدمة قدمت استقالتي لاني ماقدرت اتحمل قلة ادبهم

أنا متزوجه ومخلفه وتخرجت من الكليه وهذي السنه السابعة متخرجه ولكن إلى هذا اليوم ماني قادره أسامح معلماتي في اولى أبتدائي كنت متفوقه وأهدى مني مافي
تعرفون ليش كنت انضرب
ماطقمتي مع الفصل بلوزة بيضاء للبرد, أهلك ليه ما شرولك قبه ، ليه ماجلدتي الدفاتر والكتب، طلبت منكم تشترون وتشترون وما شريتي ،
طيب ليه ما سألتي أمي يمكن أكون فقيره ماعندي قيمة طلباتك، يمكن ماني محصله أحد يوديني السوق يمكن ويمكن ويمكن
لكن في نفس الوقت درستني معلمه إسمها هيله في ثاني إبتدائي في عام 1411هـ تقريبا الله يسعدها ويفوقها ويجعلنا انا وياها في الجنه
مربية ومعلمه فاضله بكل ما تعنيه الكلمه من معنى
ماراح أنساك ماحييت وأضل ادعو لك ماحييت

شوفي ياقلبي فيه معلمات قمة الادب والاخلاق وفيه معلمات ماقول الا الله يهديهم ويصلحهم !!!!!!!!!!!!!! والله العظيم هذا الكلام صاير من شهر تقريبا لبنت اختي وبنت اختي مؤدبه وشاطره ماشاء الله وهي باولى ابتدائي المهم البنت فجاه جتها زي الضيقه والله اسبوع كااامل ماراحت للمدرسه والسبب مدرستها ماغير حاطه راسها براس ذا الضعيفه اي حركه بنت اختي تسويها ماغير تصاارخ عليها والمشكله يوم سالنا بنت اختي كيف تعاملها مع البنات قالت ماتقولهم شي بس انا تهاوشني يااااويلها من ربي لا واللي قاهرني تقول اختي والله اغلب الهدايا واوراق العمل البنات يجيبونها لها وهي عمتي طلاله جالسه على كرسيها فعلا هذي تستاهل من يتحيسب عليها لانها ماأدت الامانه والله ان اختي جتها ضيقة صدر بسبب معاملة المعلمه لبنتها لكن مانقول الا الله يهديهم ...والان الحمدلله اختي نقلت بنتها لمدرسه غير والمعلمه فررررق عن اللي قبل يعني مو كل المعلمات سيئات الحمدلله

بصراحة مااتوقع الي الحين الضرب


حتى الهواش اذا قالت المعلمة حرف اليوم الثاني يوصل للادارة وشوفي التنبيهات اللي تجي ولا بعض الطالبات يبي لهم شوي من القوة لأن مو كلهم يمشون بالطيبه

انا الى الان وانا حاقده على مدرسه عذبتنا بالضرب اهانتنا حسبي الله ونعم الوكيل فيها ياااارب عساها تلقاها بوجهها وش استفادت يعني من ضربنا عقدتنا حسبي الله ونعم الوكيل نفسي اقابلها الحين واقولها في وجهها الله لايسامحك