اتقوا دعوة المظلوم مابينها وبين الله حجاب

السلام عليكم ورحمة الله وبركاته

ارجوا منكن ان تخففون على اعز صديقه لي وتريحوها وتدعوالها

صديقتي عندي امس البارحه والله حالتها حاله دمعته على خده وكل مااحاولت انسيها واوسع صدره التفت عليها والقى دمعتها نازله
صديقتي قيل عنها كلام يجرح القلب من وين من بنت اختها اللي اتروكها اهلها واهل زوجها ولا احد يكلمها ولايجيها احد وصارفيها حاله نفسيه من ضيقة الصدر
تقول صديقتي تعاطفت معه مع اني حاسه ان ماتركوها الناس الا من مشاكلها ونقلها للكلام
حتى ابوها مايكلمها وامها من مشاكلها وتتدخلاتها بين اخوانها من ابوها وحريم ابوها
وكنت احاول اني اونسها هي وعيالها طلعت فيهم لاستراحه وسويت لهم حفله لنجاح عيالها وقضيت عنها بعض مسلتزماتها وزوجي ياما راح يودي وياما راح يجيب وقلت لازم اقف معاها
المهم دايم تكلمني وتشكى وانا اسمع لها عشان اخليها تفضفض واريحها ومن كثر ماتقول مايدخل عقلي ربع كلامها
المهم اني مليت وقلت في نفسي فتحت علي باب ليش استاثم فيها وبديت ماارد ولا اخلي اعيالي يصرفوها ولا اردعليها واتعذر ان زوجي جاي ولا عندي شغل عشان تخف شوي علي انا مانويت اني اقاطعها لا بس قلت يمكن تخف لانها ماعمرها تكلمت الاتجيب لي العيد واسرار اهلها واهل زوجها حتى امها تفضحها :44:
المهم حصلت مااريد خفت شوي
نجي للي صار:06:
كنت رايحه انا وزجي لمركز تسوق حق ملابس وكان مزحووووم وكنت لاهيه بتجميع الملابس
يمكن جلست يجي ساعتين وانا بالدور الارضي
ويوم جيت ارقى فوق كان ولدي جالس يلعب عند الدرج قلت له حبيبي انا راح ارقى فوق وانت اجلس هنا عند الملابس على مااجي قالي ولدي ماما شوفي فلانه وعياله يقصد بنت الاخت وفعلاًشفت عيالها مرو من عندي قلت لهم امكم جايه قالوا لي ايه وانا واقفه عند الدرج شفت وحده قريب من شكله اشرت لها درات ظهرها وعرفت اني غلطانه المهم رقيت والله العظيم الذي لااله الاهو اني ماشفتها الايوم رقيت لان اللي فوق كان الناس خفيفين
وكان معي زوجي قلت له يافلان لاتمشي معي فلانه شفها هي وزوجها ولاودي يعرفوني لاني راح انحرج منها المهم زوجي نزل وبعد شوي رقى وانا كنت اشوفهم من بعيد وكل ماقربو انخشيت عنهم زوجي كان جالس في زاويه وداير ظهره
قلت لزوجي هذا فلان اقصد زوج بنت اختي الله يفتح على قلبه ناظر زوجي قال لا هذا شبيه فيه يمكن انتي غلطانه قلت له شوف عيالها المهم انا لاهيت عنهم ولا لقيت لهم بال
نزلت بنت اختي مع الدرج المهم شفت عيونها وهي متنقبه وصارت بنت بنت اختي لانها كانت حامل وعرفتها بعيونه وانا كنت اشيل الملابس من العربيه ولازوج بنته يغز علي باصبعه انا استغربت ونقدت عليه زوجي جا لمي قال وش هالحركه
نزلنا يوم جينا للمحاسب واثاريهم قدامي والبنت متنقبه واقفه ورا زوجها المهم تيقنت انها بنت بنت اختي
قلت لزوجي ارجع لايشوفونا اقسم بالله الذي لااله الاهو ان كل هذا اللي حصل ومازودت كلمه غلط
المهم يوم طلعوا حاسبنا وطلعنا
الطــــــــــــــــامه الكبرى من بكره كلمت علي اختي وهي بديره ثانيه قالت يافلانه وين كنتي امس قلت في مركز وشفت فلانه وزوجها والله اني احسبه ابوها قالت اختي ومته شفتيهم قلت انا داخله المركز على طووول افتحوا بعد صلاة العشاء والله ماشفتها الايوم رقيت ولو مامعها اخوانه كان ماعرفتها
قالت اختي اسمعي وش قالوا
تقول كلمتني ام البنت وقالت ان بنتي تقول شفنا خالتي وجالسه تقز زوجي قززززززوتلاحقنا حتى انها دفتني وانا حامل وكانت مغيره صوتها عشان مااعرفها هذا الكلام تقول وحنا تحت نتسوق وان زوجي كل مامرت قال شوفي خالتك وحتى بنتها تقول وشلون راح اقول ان هذي خالتي واكيد زوجي يبي يرفض اني اجتمع معا فشلتنا
مع ان اعيالي مو معي كان الولد يلعب عند الدرج وبنتي جالسه بالسياره هي واخوها الصغير لانها كان فيها نوم دخلت معانا شوي وراحت للسياره بعدين زوجي مايدخل يزاحم الحريم وهي لو شافته ماتعرف زوجي وش شكله وانا لم اعرف زوجها ماعمري شفته وشلون اعرفوني مع اني كانت متنقبه ويالله تشوفون سواد عيوني حتى زوجي يقول اللي قاهرني اني مااشوف عيونك يالله اشوف سواد العيون وشلون عرفوك وحتى زوجها ماعمري شفته ولااعرفه
قلت هي اكيد شافتني اول مادخلت وشافت عيالي لاكن كنت ادور لحالي وزوجي ياقف من بعيد وهو يشوفني
وزوجي شديد من ناحية الغطاء لدرجة اني البس جزمه سودا ولابسه عبايه المسكره من قدام واللي قاهرني ان يالله اشوف
البنت شافتني وظنت اني شفتهم او الامر لان كان زوجها الله يسترعليه يوم شفته عند المحاسب كان شين واسمر وكنه كبير لاني كنت اظنه ابوها؟ زوجي قال لا موفلان قلت اكيد زوج بنته قال لا بنته توها متزوجه هذا كبيرهي اخذ رجل كبير قلت له لا توه زوجها له اربع سنوات متخرج ويقولون انه صغير هذا اللي دار بيننا وهذا دليل اني ماشفتها من دخلت وماعرفتها الايوم قالي ولدي وانا ارقى فوق لاني يوم دريت كنت انا في جهه وهم بجهه وكل ماقربوا هجيت حتى كانت معي بنت خالي لاني لقيتها فوق وتقولي تعالي نروح للجهه الثانيه قلت لها لا اخاف تشوفني بنت اختي قالت وشلون تبي تعرفك وانتي اعيالك مومعك المهم درنا وانا اخذه حذري اخاف تشوفني اللين يوم شفتهم انزلوا
قالت اختي اجل يمكن اللي قاهرهم انك شفتي زوج بنتها على حقيقته لانها كانت تمدح فيه مرررررررررره وانه جميل ويهبل وكنه خالي فلان حتى انا تفاجئت ولاصدقت ان زوج بنتها لو زوجي ماشافه وقال انه مو ابوها يمكن زوجها كان ماعرفته حتى زوجي يقول لو ماشفته وسمعت عنك كذا كان شكيت لاكن الله يستر عليه هذا شكله مايستاهل القز وانا اشوفك وانتي تدورين لاهيه
كلمة على بنت بنت اختي ماردت ارسلت لها رسايل قلت جعل عيوني للعمى ان كنت قزيتهه وجعل يدي للكسر ان كنت زتيتك والله العظيم اني مادريت انكم جايين الايوم كنت ابرقى فوق قالي ولدي شوفي عيالها وكنت اتحاشى اجي للجهه اللي هم فيها حتى زوجي يقول لامرو صديت
وارسلت لها ان كنت قزيته ولاحقته جعل اعيالي يتيتمون
كلمتني اختي قالت لاترسلين لها اتركيها قلت لاختي ان زوجي قالي كلميها ولاارسلي لها خوفيها بالله
كلمت امها على اختي وقالت بنتي ماتكذب واختك ملاحقته قالت اختي ان اختي تدعي على نفسه وعياله وحتى زوجها يقول انا كنت معها واشوفها وهي تتسوق خافوا ربكم
قالت بنتي ماتكذب قالت اختي شوفي يافلانه انا مارحت مع اختي وانتي مارحتي مع بنتك ليش تحلفين وتتهمينه كنك رايحه معهم انا ادافع عن اختي لاني سالتها قبل لااقولها وقالت لي اني مادريت عنها الا يوم كنت ابرقى فوق ومعي زوجي وبعدين علمتها باللي صار
وكانت تدعي على نفسه وعياله ليش تدعي الاانها مظلومه قالت اسمعي وش تقول اختك بالرسايل قالت اختي ان زوجها هو اللي طلب منها ((تدرون وش سوت يوم كلمتها اختي الثانيه قالت لها ليش زوج فلانه يرسل لبنتي رسايل من جواله رد ت اختي وقالت فلان مرسل لاموفلان اختي اللي مرسله من جواله وانتم عارفين رقمه وحافظينه ودايم تراسلون انتم وياها (بنت اختي سمعت من اختي ان زوجي اللي طلب وماصدقت خبر راحت واتهمت زوجي انه هو اللي يرسل لبنتها من جواله زوجي انهبل قال لازم اروح لزوجه واوريه رقمي واوريه رقمك قلت له اتركها اخاف تقول عليك شي ماصار هذا النوع مايحارش وليتني اسكت وتحسبت عليها وش رايكم))))) (((تقول اختي اخاف اخانقها ولاازعل عليها اخاف تتكلم فيني لانها معه علاقه وابحاول اني اجر نفسي ))
قلت لاختي قولي لها لاتصدقني بكيفه لاكن المفروض لو اني كنت اغازل ولا رمية رقمي عليه كان استرت علي وعندها بنات اللي يكيفهم حوبتي ودعوت المظلوم وفضيحة خالته من فضيحته لاكن وين العق والخوف من الله
و ذكرتها إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ) (النور:23)

والله لو اني كنت مسويه هالشي كان سترتوا عشان الله مايبلاكم لاكن اقول
حســــــــــــبي الله عليهم ولاحول ولاقوة الاباالله يارب يارب اخرس السنتهم وبين الحق وانصرني على من ظلمني

كلمت على اختها اللي اكبر منها قالت لي ان اختي مزاعلتني من غير سبب واني اكلمه ولاترد وارسلها ولاترد ماابي الزعل ولاالقطاعه مع انها توها مسويه لي مشكله مع اهل زوجي وماترد علي لانها تخطي وتتغبى وقالت لي بس جاكي منها ذا شوي احمدي ربك انها ماقالت اكبر من هذا اختي هذي بلوه وشوفي حالتها كلٍ يدعي عليها وكلٍ ماسلم منها والله اني خايفه على اختي واطمئني ياخاله لو تكلمت مارح يصدقوها والله يعينك يوم عادك وحقدت عليك راح تتكلم فيك لاكن مايضرك انشاءالله شي ويقول المثل ان اكرمت الكريم ملكته وان اكرمت الليئم تمردى
بنات اعذروني من كثر كلامي بس حبيت اوضح لكم عشان تاقفون مع صديقتي
(اللهم لاتسلط علينا من لايخافك ولايرحمنا وهذا تساليط من ذنوبنا اللهم اغفرلي واهدني وتب علي يارب:44: