اتقوى الله في ردكم يابعض البنات .. تعقيب على موضوع هل انا غلطانة

https://www.hawaaworld.com/هل_...
قبل كم يوم نزلت موضوعي في هذا الرابط اول مرة انزل موضوع واحصل كم هائل من الردود ..
لاحظت اغلب البنات ياهم شايلين حقد على اهل الزوج واخواته انا اقول البعض الله يهديهم
احنا مانزل موضوع هنا الا نبغى نصيحة توجيه منكم احياناً ناخذ بنصايحكم
بس بعض الردود احنا في غنا عنها توصل لدرجة الدعاء ليش حبيبتي اعرفك تعرفيني بينا شيء يختي قولي خير او اصمتي احنا في غنى عن ردك
تخيلوا بنات وحدة من ضمن ردها تقول الدنيا دواره وإن شاء الله يجي اليوم اللي تكونين خادمة عند عيالك
الموضوع له كم يوم ولا قدرت انسى ردها
حابة اقولها حسبي الله ونعم الوكيل ولك بالمثل يارب
ان شاء الله تدخل تشوف الرد لاني حاولة ادخل على الرسائل الخاصة حقها ماقدرت ونزلت الموضوع هنا عشانها
ووحدة ثانية ردت بكل برود تقول غصب عنكم تطلعون لها الغداء
بالله بنات هذا اسلوب !!!!
احنا ندخل هنا عشان نكتب مافي خواطرنا وننفسي عن انفسنا ونلاقي الحل مو عشان تغثونا ارجع واقول البعض فيه بنات ردهم يثلج الصدر اقولهم الله يجزاكم الخير ويرفع قدركم
واستغرب من البعض يقول ماتعلمتم السنع حابة اقول احنا تربينا على السنع لاني لو كنت متجوزه فوق اهل زوجي مارضى اهم يطبخون وانا جالسه في بيتي اكل بارد مبرد يكفي اني ماراح اطبخي على الاقل بنزل بساعد في غسل مواعين الغداء مو شاركت في الاكل كيف ارضى على نفسي غيري يطبخ وانا اكل !!!
طيب لو افترضنا العكس ابوي يطلع فوق يتغداء عند اخوي واهو نازل يقول حطوا لبناتي في صحن انا ماراح ارضاها يا اني بقول مايحتاج تكلفين على نفسك وتنزلين لنا اكل احنا بندبر لنفسنا او بخلي اختي تطلع تساعدها
وبعضكم قال يمكن تعبانه او تتوحم لو كان كذا عادي بعذرها بس الحمد لله مافيها شيء
احياناً يكون عندها طلعة تجهز نعرف ليش مانزلت بس احياناً ماعندها شيء !! وانا ما اقول مجبورة تنزل احياناً الوحد يرتاح في بيته بس كمان الوحدة لازم تقدر وتساعد او تقول لاخي انت انزل بكيفك اهلك بس لاتطلع لي شيء