نسأل الله ان يعلمنا اخلاق النبى الكريم
××××××

جزاك الله كل خير ياغالية
وربي يهدي الجميع ولايفتنا في ديننا ودنيانا
(مايلفظ من قول إلا لديه رقيب عتيد )
صدق الله العظيم

أعتقد ان الأمر تم معالجته..وان قد تأخر العلاج في بعض الأحيان الا أنه يتم؟؟
ومن ناحية الأيقاف والتأديب مستمر
ولكن
لكن نصيب في اللوم؟؟
فلماذا لا نجمد مثل هذه المواضيع .بعدم الرد عليها والأستمرار في جدال أغلبه عقيم وفتنه وقيل وقال
والأمر الاخر بالتبليغ مباشرة عنها وليس بعد الأخذ والعطا..
هناك قد نستطيع أن نعالج نسبة 85 % من انتشار هذه المواضيع الغير هادفه بل والمثيرة للفتن والشقاق

السلام عليكم ورحمة الله وبركاته

في الحقيقه ماكنت أدري أني بالمجلس العام : ) إلا لما دخلت الموضوع اللي فوق
وقرأته وعرفت أن فيه مشكله كبيره وحصلت موضوعك وأكدلي هالشي ولا هالوحل " المجلس العام " ماتجيني نفس أدخله
ولأنه موضوعك تحمست أرد

وبيجيبلك من الاخر وبكون صريحه معك فلا تأخذيني على صراحتي

" قفلوا المجلس العام " وريحوا دماغكم على ايش بالله متمسكين فيه ؟؟ قسم مهم يعني زي باقي المنتديات ؟؟ مولا زم
إذا احنا في امور الدين اذا طغت المفسده على المصلحه تركنا الامر واجتنبناه طيب ليه ما ننفذ هالشي هنا
يعني بالله ايت اهم يكون قسم عام زي باقي المنتديات والا الأثر السيء اللي قاعد يستفحل بين متابعين المنتدى ؟؟
والله اني صرت اميز نبرة بنات المجلس مو فراسه يعني بس اعرف الكلام اللي يوصلني برودكاست مثلا وتطغى عليه نبرة الحقد والكراهيه والحسد اقول للي عندي ابصم بالعشره اذا ماكانت اللي كاتبته من بنات حواء ترا ريحة المجلس العام فاااحت والعوامل اللي تساعد ان هالمنتدى حريمي وانت عارفه الحريم والقيل والقال ثانيا المجلس العام كله على بعضه صاير مكايد حريم ومهم قليل زواره يعني الشي اللي ينكتب صداه واسع والدليل ان فيه مواضيع حساسه انطرحت للرأي العام اول مره على عالم حواء وللأسف انتشرت بالقالب السيء والصوره السيئه اللي انوضعت فيه في نفس الموضوع بعالم حواء
اسمحيلي ولا تزعلي مني ومايهون عليا اصلا اقول عن المجلس كذا بس مثل مافيه أماكن وجودك فيها يسيء لأخلاقك وطهرك المجلس العام صار قذر يوصخ قلبك
واحنا حافظين حديث نافخ الكير والمجلس او المنتدى عموما صار جليس لكثير من الحريم

ها بعد كل هالأثر اللي قتلك عليه راح تتمسكوا فيه؟
يعني أنا أشوف أنتم وزراء صاحب المنتدى وبالتأكيد عارفين مقاصد صاحب المنتدى من هذا الموقع فبالتالي اي شي سبب انحراف عن المقصد والهدف من ****ئه أنتم مسؤولين بإزالته ومسؤولين أنكم تقيمون المصلحه والمفسده حسب ماتشوفونه واقع قدامكم

وياترى كم موضوع مفيد جنيتوه من هالمجلس ؟
أصلا أغلب تضجر المشرفات من المواضيع المكرره واللي مالها فايده
والمفيد من المواضيع وزعوه على باقي الأقسام والمواضيع اللي تخص بلد بعينه خلوه في ملف نفس البلد اريح
والمواضيع الكبيره اللي تخص الامهتقدرون تثبتونها بقسم التجمعات وخلاص
لا تقوليلي سياسه واخبار العالم ومدري وشو انت شايفه الواقع بعينك ؟ نفع هالكلام والا انحرفت المواضيع عن مسارها ؟
خلينا واقعيين


بالنهايه هذي نصيحتي لكم " احسبوا الشر واحسبوا الخير من هالمجلس وشوفوا ايش اللي طغى " وعلى اساسه اتخذوا القرار اللي يبرأ ذمتكم أمام صاحب المنتدى وأمام الله قبل كل شي


معليش قد يكون كلامي مباشر وبدون تنميق لاني مستعجله واخذ من وقتي كثير يله الله يطرح فيه البركه
ونتمنى التقدم والتوفيق للمنتدى والقائمين عليه

جزاك الله خير