صادقه والله والسلف بالردان وكما تدين تدان

كلامك كله عقل وحكمه بس الله يهدي الحريم وحتى خوات الزوج

والله يا اختي كلن فيه حقه ولكن مو الكل يعني فيه اشياء تقهر انا ما اطلب الا المعامله الزينه عني من اجي يطلعون فوق لغرفهم
ويتكلمون فيني من وراي عند اقاربهم لين كرهوهم فيني هذا غير ذب الكلام الي على الطالعه والنازل

وغير انهم اذا طلعت انا وزوجي يجوني اخواته يشيشون امهم وتقول تنطلع حرمتك وحنا لا والله الي لا اله الا هو اني كنت اطلع مره بالشهر او اقل وهم في نهايه الاسبوع اما بر والا استراحه والا مطعم وزوجي الي يوديهم وفي الاخير يقولن انت يعني زوجي ما تهتم الا بحرمتك

وغير احتلال الاغراض الخاصه واذا قلت شي قالو فلوس اخونا اخذو كامرتي وحذفو كرت الذاكره حسبي الله ونعم الوكيل
والمكياج ياخذونه ولا يرجعونه

ومره كنت عند اخته في بيتها ويوم جينا نطلع قلت لاخت زوجي شيلي كرسي بنتي وانا شايله بنتي عمره 7 شهور
ومعي شنطتها وكيس اغراض وكرسيها وقالت ((فاضيتلك خلي الخدامه ))والخدامه معها حافضات
اوكي ماتبي تساعدني حقها بس لو طلعت معهم وجو ينزلون الاغراض قامو يذبون كلام اني ما ساعدتهم
مثل ماتبي تاخذ لازم تعطي


واخرتها في عزيمه اخته تذب على كلام واحنا على العشاء تقول جايه وهي ما عزمت تخيلو قدام الحاضرين
وانا خالتي عازمتني قبل بيومين ويوم العزيمه دقت تاكد لى عشان اجي الله يجزاها خير << وهذي قريبه اليوم ليتني ما رحت

وانا والله ما امدح نفسي اذا شريت لنفسي شي اشتري لخالتي جلابيه او عطر ولازم كسوه للشتاء وكسوه للصيف
وهديه للعيد

يعني مو كل حريم الاخوان مو زينين ولا كل اهل الزوج اشرار بس الي يعيش معانات ويقهر الليل والنهار لازم يفضفض
والله قبل اتزوج كنت ما اعرف شي اسمه مستشفى والحين الله يخلف مواعيد قولون وضغط حسبي الله ونعم الوكيل
وانا توي صغيره عمري 24 راسي مليان شيب

معليش قرقرت واجد من الحره بسبب موقف اليوم واتمني تقبلي قرقرتي بصدر رحب وبدون زعل يالغاليه كلنا حريم عيال وكلنا اخوات زوج وبالمستقبل امهات والله يعين حريم عيالنا

والله انك صادقه نادر ما اشوف وحده تمدح اهل زوجها لا وتشتكي من اتفه الامو وكأن هذا الزوج ملك لها ونسن اهم اهله قبل ان تكون زوجة له

الله يصلح النيه والذريه