اتق شر من احسنت عليه... ياربي شسوي فيها

السلام عليكم

ابي نصيحتكم لاني فعلا احس اني مليت من التفكير

انا في غربه وعندي زوجة صديق زوجي اهي اكبر مني تقريبا بعشر سنين او 11 سنه المهم ومتزوجه وعندها عيال بس وحده فاضيه حدها اول ماوصلت عزمتها في بيتي اهي وعيالها وطلعتها اكثر من مره علشان اوريها الديره اللي احنا فيها وانا كنت حامل بالشهر السابع وكنت اطلع معاها وتهد حيلي بالمشي وعادي مايهمها لما حسيت انها عادي قمت اعتذر واعزمها في بيتي وبعدها قلنا بنطلع مع بعض عايلتي وعايلتهم صاروا يعتذرون وعقب سمعت انهم يطلعون مع ناس ويسافرون معاهم وخذيت بخاطري بس ماتغيرت عليها ولا سألتها, ولما تكلمني تقولي ماطلع مكان, ومره قلتلها بنزور صديقه لنا بالمستشفى وقالت اوكي وقلت بمر وحده من صديقاتنا وبعدين بمرج وبعدها بعشر دقايق اتصلتو قالت لي روحي بسيارتج وانا بسيارتي لاني بمر صديقاتي وماتكفي السياره مع العلم سيارتها تكفي لسبع اشخاص, طبعا قلتلها اوكي بس كنت منقهره موقف يدل على عدم احترامها للغير وبعدت عنها سلام وادق عليها كل اسبوع او اسبوعين لاحظت انها ماتتصل بالشهرين والثلاثه صرت اذا رحت عزيمه ماأمرها لانها احرجتني بالموقف الاول المهم بدت تقط علي نغزات مثل تقول انتي ماتخافين تسوقين بالليل بروحج واول تخافين وكلام فاضي اتصلت عليها وقلتلها بأسلوب محترم عسى ماشر شصاير ليش الكلام والنفس الشينه معاي قالت ماكو شي انتي فاهمه غلط قلتلها اني ماتتصلين ولا تسأللين وقالت لاماكو شي بس انتي ماتمرين وتقول انا اخلي زوجي يوديني غصب وماله خلق وانتي يم بيتي ماتمريني قلتلها ماقلتيلي امرج وذكرتها بالموقف بس كله تنكر انتي فاهمه غلط وانا ماطلع مع احد وكله بالبيت وانا متأكده الفين بالميه انها تطلع وتعزم في بيتها وماتقول مع اني مومحتاجتها عندي صديقاتي واحسن منها وقلتها المهم ان القلوب تصفى وفهمتج وسكرت التلفون وهذا الكلام ولا شي من بعض مواقفها البايخه

المشكله الحين انا مومتقبلتها وماحس انها تستاهل اللي يدق عليها احس انها علبالها ميته عليها واحس انها كذابه وغير مقنعه بردودها وقررت اني مادق الا كل اسبوعين اذا اتصلت واذا ماتصلت ماراح ادق
ابي نصيحتكم ادري الكلام وايد بس من القهر اللي فيني انا بدون غرور الكل يمدح فيني وانا طيبه بس ماحب احد يستغلني مادري شفيها وشنو مشكلتها