عزيزتي سمية

اولا ، اختي الفاضلة لست بعضوة سلبية، وتذكري عزيزتي إنك لما تسألي سؤال الكل بيستفيد – وبيكون أكيد الكثير من الاخوات بيدعولك في ظهر الغيب عشان انت سألت اسئلة كانوا حابين يسألوها ويكمن كانوا خجلانين.

نشكرك يا عزيزتي على حسن ظنك وتشجيعك المستمر. إن شاء الله نعيش ونشوفك داعية كبيرة .

خناما ، اسأل الله رب العرش الغظيم أن يوفقك في امتحاناتك .

و عليكم السلام و رحمة الله و بركاته

يزاهم الله خير ..
:26:

الله يوفقج يا الغالية ..
و إن شاء الله يتحقق اللي بالج ..
لا تخلينها مجرد أمنية و خلاص لاء حوليها لهدف واضح..
" العقول العظيمة تمتلك أهدافا واضحة ، بينما غيرها لا يمتلك إلا الأمنيات "
واشنطن ارفنج

شدي حيلج

:26:

في البداية ارحب ترحيب كبير باللي فقدناها في المنتدى الاخت Jeela
الاخت العزيزة والقريبة الى قلبي وحياها الله وجعل ماقامت بمساعدتي فية في موازين حسناتها
حياك الله اختي جيلا بشريني عنك انشاء الله تمام
والله افتقدك في المنتدى يالغالية وين النشاط الاولي :41:


اختي ريح الجنان
لك ترحيبة خاصة ووجودك في الموضوع سرني يالغالية
انتي معلمتي النشيطة ومنووووووووورة الموضوع يالغالية ويزاج الله خير على النصيحة يالغالية :)

السلام عليكم
اول شي والله مافي احلى من دعواتك الله يجعله في ميزان حسناتك يارب ويوفقك وييسر عيك
ويستجاب دعوتك وييسر امور كل اللي يساعدوك من حرف لموضوع ويجعل كل حرف يكتبوه في ميزان حسناتهم يارب..

ثاني شي كلمتك

رجعتني لورا سنييييييييييين لأاني في يوم من الايام تمنيت نفس امنيتك وسالت الله ان يوفقني .. وتعرفي كنت مثلك مستحيه وماقلت الامنيه لأحد لين ما الله وفقني والحمد الله تيسرت امنيتي ..
عزيزتي حطيها في بالي انه جزء من اي امنيه لازم يكون ايمانك بالامنيه يعني لو انتِ حاطه في بالك انه (ممكن بفضل الله اصير ) راح تصيري باذن الله ولو انتِ حاطه في بالك انه (مستحيل اصير ) مستحيل تصيري .. لذلك ياعيوني خلي بالك من هالنقطه الخطيره وماعمرك تقولي ماباليد حيله لأنه بيدك ياعمري الكثيييييييييير ويكفي فضل الله عليك اكثر بكثير من غيرك ..

بالنسبة انك تصيري داعيه للاسلام سبحان الله كأنك تتكلمي عني قبل سبع سنوات :39: برضو كانت امنيتي اني ادعي الكفار للاسلام وانه تكون لغتي طلقه وانه وانه وانه ..
لكن لما جيت هنا بصراحه انصدمت الموضوع مالقيته بهالسهوله ابدا .. لأنه بكل بساطه المسلمين هم اللي لازم ننصحهم قبل الكفار واظن الوضع عندك نفس الشي ..
(وقبل ان تدعي احد لبيتك تنظفيه صح) لذلك حسيت انه الدعوة لأخواتنا من المسلمات اهم بكثير قبل ما نبدا بالدعوة للكفار لأنه للأسف لما تجي تدعي الكفار اول شي تكون حجتهم البنات المسلمات غيري .. لو قلت لها احنا مانكل لحم خنزير تقولي انا اعرف مسلمات ياكلوا واذا قلت لها احنا مانسوي علاقات غير شرعيه قبل الزواج تقولي انا اعرف مسلمات بالمئاااااات المئات يسوو علاقات ومع اكثر من شاب الله المستعان بس ..
لذلك صدمتي كانت قوية وصرت بقدر الامكان احاول اركز في الدعوة على اللي اعرفهم من المسلمات قبل ما ابدا مع الكافرات ..
وانتي نفس الشي ياعمري ابدي دعوتك مع اللي حولك وبالعربي وشوي شوي خلي الانجليزي يلعب دوره في الدعوة اما كذا على طول ما انصحك صراحه ...
انصحك انك تتبعي هالخطوات عشان تحققي هدفك النهائي باذن الله

اولا: ابدأي بنفسك - ايوة نفسك- احيانا اشياء ومعاصي بسيطه تكون سبب في تعكير مسار حياتنا واحنا مو حاسيين .. وجزء مهم بهالخطوة انك تخلصي النيه له عز وجل .
ثانيا:سجلي في دور التحفيظ ترا والله مافي شي افتقدته من السعوديه مثل دار التحفيظ اللي كنا ندرس فيه بجد جو روحاني رائع وسجلي امك معك بجد ياعمري راح تنبسطوا وتستفيدوا وتكونوا صداقات تكون باذن الله صالحه ..
التحفيظ يكون عندهم برامج معينه محاضرات افطارات جماعيه صدقات حفلات احضريها ابدي اجمعي معلومات ..
صدقيني ياسمية انه ربي راح يوفقك بدراستك باذن الله ..
احنا كنا جموعه تروح التحفيظ والصبح في المدرسه سوا .. كان كل الفصل يقولوا انو انتو نص يومكم ضايع اكيد راح تجيبوا درجات مو كويسة .. وفي نهاية السنه اعلى الدرجات من بنات التحفيظ مع انه والله الوقت اللي ادرس له كان قليل بس مبارك فيه ولله الحمد ..

ثالثا: ابدأي بتطبيق مادرستيه في الدوام مع الأهل في النت وباذن الله ربي يوفقك وييسر عليك

رابعا: طبعا لما توصلي هالمرحله باذن الله راح تكون لغتك تحسنت اكثر بكثير .. ابدأي وقتها بقراءة كتب دينيه انجليزي مثل كتب السيرة حصن المسلم رياض الصالحين وغيرها من الكتب الاسلاميه الانجليزية .. جربي تقري القران بالانجليزي بس لو شفتي انه لسه لغتك ماتساعدك وقفي ما انصحك لأنه القران بالانجليزي صعب ويمكن لاسمح الله تتغير نظرتك شوي له وهذا شي خطير ..

خامسا: ابدي احضري دروس ومحاضرات بالانجليزي عندك (الندوة العالميه للشبابا الاسلامي) مدري اذا فيه منها عندكم بس اكيد فيها اذا في كندا في منها :) المهم هذي المنظمه عالميه وعندهم دروس اسلاميه لغير الناطقين بالعربية اطلبي منهم انك تحضري بجد راح تستفيدي كثيييييييير

سادسا: تأتي الخطوة الاخيرة انك تدعي الكفار وهذي لما تجي ربي بيوفقك لها باذن الله ..

اسفه طولت عليك بس حبيت اشاركك تجربتي لأن خفت انك تنصدمي او انه همتك تقل لاسمح الله لأنه ماتبعتي الخطوات الصح وترجعي توصلي في مرحله وتقولي انا مابيدي حيله ..
تذكري دايما كلمات الرائع Elbert Hubbard
Many people fail in life, not for lack of ability or brains or even courage but simply because they have never organized their energies around a goal.
كثير من الناس تفشل في حياتها ليس لأن ليس لديها القدرة او قله في التفكير او حتى قلة في التشجيع من اللذين حولهم .. ولكن لأنهم لم يرتبوا اهدافهم لتشحنهم للوصول اليه ..


اتركك في امان الله
رنيــم

مشكووووووووووووووووورة غاليتي وعزيزتي رغد الحياة
والله يجزاكي بصحبة الانبياء والصالحين في الجنة
على هاذي النصائح الاكثر من روعة
والله يجزاكي عني خير الجزاء يامربيتنا الفاضلة