اتمنى اروح دار التحفيظ ولكن هناك اسباب تمنعني ساعدوني ؟؟واللي داخله تحفيظ ومثل ظروفي

السلام عليكم ورحمة الله وبركاته


زي ماهومكتوب بالعنوان اتمنى اروح للتحفيظ بعد مااتممت دورة النون الساكنه

السنه هذي انتقلت الى مستوى المدودومنيتي اكمل ولكن اورد لكم الاسباب واتمنى تساعدوني بالتشجيع والتوجيه والنصيحه لكي تتحقق امنيتي


السبب الاول :الزوج رافض بسبب وجود طفل واكيد بحطه بالحضانه ومايترتب عليه من اختلاط وانتم عارفين
اقنعته انه لن يصيبنا الا ماكتب الله لنا وأنه لا عدوى ولا طيره لكنه رد وقال لابد ان الواحد يعمل بالاسباب ولا يؤدي بنفسه للتهلكه قلتله هذا اولادك الثانين يروحون مدارس منهم اللي بأول ابتدائي الى اللي بالمتوسط قال مظطرين انهم يروحون وانتي منتب مظطره

السبب الثاني ان عندي طفل بأول ابتدائي ويبيله متابعه واهتمام غير الباقين يعني 3لازملهم متابعه مني شخصيا وهو ماعنده وقت ولا يتحمل واحد


السبب الثالث ماعندي خادمه تساعدني بالبيت يعني البيت والاولاد علي وانتم عارفين طبخ ونفخ وترتيب واستعداد والاولاد
ماأن انتهي من هذا كله الا وانا منهلكه مااقدر استوعب
طيب الحفظ متى وين خانته من هالامور كلها


بتقولون كيف مضيت السنه اللي راحت بقولكم اني كنت بجهاد مايعلم فيه الا الله اهملت البيت واهملت متابعة اللي يدرسون لأني مااقدر
اقوم قبل الفجر واجلس احفظ حتي يجي وقت اهل المدارس اصحيهم ويفطرون ونخلص ونروح للتحفيظ

نطلع الساعه 11 او 11.30مايمديني احط راسي ابداء بالغداء على الساعه 1.30الغداء جاهز يتغدون وبعدين ادخل انام شوي طبعا اصحى قبل 4مصدعه والبيت يضرب يقلب واللي يلعب ماذاكر امسك واحد واحد حتي يجي بعد العشاء يتعشون ويكملون مذاكره لأنهم تقييم وينامون على11الاني خلاص منهد حيلي وترتيب البيت اي كلام بس المطبخ والباقي مشي حالك

تعبت

غير التعب الجسدي اعاني من امراض روحيه لكني احاول التغلب عليها بالقرآن كتحدي وهذا اللي محرصني على التحفيظ لان العارض يحاول بشتى الطرق منعي من الذهاب كالخمول والنوم والتعب وتسليط الابناء والزوج

بعد هذا كله ابي نصايحكم طريقتكم للي تروح للتحفيظ وعندها اطفال

لاتقولون احفظي بالبيت مااقدر لازم وراي وحده تسمعلي من بكرى عشان احرص والعصر مااقدر عيالي مدارس مايقدرون يوفقون بين المدرسه والتحفيظ جربنا مانفع


دعواتك لي ان الله يسر اموري ويساعدني ويقويني

ويوفقني عشان اقدر اوفق بين التحفيظ والبيت والعيال وان الله يشفيني


ادري قلت قصة حياتي بس مالي الا الله ثم انتم