بتطفشين بالرياض لانها زحمة

ولا تفكرينهاا صغيرة مثل المدينة ومكة تراها كبيرة ماشاء الله

كانت اختي ساكنة بمنطقة وزوجها شغلة بمنطقة تخيلي بينهم 70 كيلو او اقل

زوجها بالنسيم واختي بالدخل

والحين نقلت قريب لشغل زوجها وطفشانة لان ماعندها احد كلن لاهي بشغلة

حتى اختي الثانية لراحت الرياض تقول لزوجها ودني لاختي يقولها بعيد مرة عن بيت اهله

واذا تزوجتي وانحبستي بالبيت وش تستفيدين ماراح تحسين انك بالرياض

جربي روحي مع اخوك كم يوم و قولي لنا تجربتك ؟

امنيتك غريبة !

لو انك قايله جنيف والا باريس والا نيويورك ممكن اتعاطف معك :biggrin:

ترى انولدت وعشت اغلب حياتي بالرياض ..

بس والله م اشوف فيها هذاك التميز اللي ممكن انزل موضوع عشانه ..

وكمان وادعي والح بدعائي عشان اسكن فيها ..

انتي بس ادعي ربك التوفيق والزوج اللي يسعدك ..

لان اذا ربي وفقك مع زوجك لو تسكنون المريخ راح تكون جنة بالنسبة لك ..

أمنية غريبة :huh: بس يحق لك تتمنين و الله يرزقك

بالنسبة لي المكان بأهله مثلا أكره الشرقيه لأن لي فيها ذكريات سيئة جدا جدا ويقولون

خواتي شكل مردك لها و أقول اسكتوا عني :icon33:

كعاطفه أحب الرياض أكثر لأني على أرضها و لدت و كبرت و كل أهلي فيها الا ما ندر

بس عقلي يقول إن المدن اللي زي الخبر و الدمام أريح للسكن ما فيها زحمة و أماكنها قريبة

و و أغلب ا الأشياء متوفرة فيها

عن نفسي أحسد أهل القرى أحس إنهم عايشين في هدووووووووء و هواء جميل :40:

اذكر مرة رحت الزلفي أعجبني جوهم رغم ان الفتره كانت صيف بس جوهم في الليل عليل

و بالنسبة للغبار صار لنا كم اسبوع و الجو صافي الحمد لله عالنعمة

اءءءءءءءء أنا عشت فيها طول عمري والحين تزوجت وطلعت منها وساكنه بحفر الباطن ي زين الرياااااض 

جبتيها على الجرررح آه بسسس يالرياض يلوموني فيك احبببها
الله يسامح زوجي اللي بعدني عنها طول عمري فيها وتزوجت وانحرمت منها انا الحين وحيده في ديرة زوجي واحن لها وابكي من الشوق اشتقت لأهلي ولبيتنا لحارتنا للمدارس اللي درست فيها من اولى الى ثالث ثانوي والله حنيت لبردها متعوده عليه وعلى شدته واحبببه والله حتى شوارعها وزحمتها متعوده عليه احس كذا الحياه مو هنا تحسين الدنيا نايمه الله يرزقني بشوفتها وشوفة اهلي قريب الله يكتب لي الخير ويرضيني فيه

مافي زيك يالرياض❤
الله يرزقك زوج يعيشك بالرياض وتعيشون في سعاده