اتمنى افتح لي مشروعي الخاص"حضانة منزليه" شاركوني ارائكم💕

السلام عليكم صبايا
شخباركم ان شاءالله الكل بخير 💕


انا موظفه عندي بنوته عمرها سنتين ونص وحالياً حامل بشهوري الاولى واعاني كثييير يومياً الصباح اخلي بنتي بحضانه منزليه جنبي وارجع اخذها العصر غير اني اصلا ماني مرتاحه بوظيفتي بسبب بعض النفسيات فيها غير المشرفه السيئه حسبي الله بكل ظالم ومستبد ولكن بسبب الحاجه والظروف مضطره اتحملهم 😭واكيد معاناتي هي معاناة اغلب الموظفات ولكن جتني فكره وكنت جدياً بنفذها لكن حملت والحمدلله على نعمه
انا من قبل حملي الثاني اتمنى افتح لي حضانه منزليه
ومن قبل زواجي اصلاً فكرت بمشروع "نادي صيفي للأطفال " يعني فقط اثناء الاجازه الصيفيه بس امي الله يهديها وقفت بوجهي ورفضت رفض تاااام ولعلها خيره الحمدلله على كل حال 🤧
والآن بعد تجربتي مع الحضانات المنزليه "كأم" رجعت فكرت بالمشروع مره ثانية بس للاسف ماعندي مكان بالشقه 💔💔💔


فكرت اجمع لي مبلغ من راتبي واستاجر شقه صغيره وابدا
بالمشروع بعد استقالتي وبعد ولادتي طبعا مع وحده ثقه تساعدني
وشرايكم!؟
تايدون فكرتي!؟
او بتكون تعب علي بوجود طفلين لي غير اللي
باستقبلهم !! 😪
والاهم كيف اقنع زوجي وافاتحه بالموضوع؟
لاني جسيت نبضه من قبل ورفض لانها مسؤليه وووالخ
يعني خايف من الموضوع ☹️
اتمنى يعطوني تجاربهم اصحاب المشروع اللي جربوه سواء ايجابيات او سلبيات
وتعطوني اقتراحات للتنفيذ واكون لكم من الشاكرين 💕
واللي ماعندها تدعي لي بالتوفيق والتيسير والله يرزقنا وياكم من وااااسع فضله 💕