اه قهر والله كنت عارفه ماراح يعطوني علشان عندي عيال الحمدلله على كل حال
انا ابوي عنده عماره للايجار وكان فيه معلمه متقاعده ساكنه بوحده من الشقق عاد ابوي يقول لما اجي اخذ الاجار كل يوم يطلعون علي اطفال مايشبهون بعض ابدا وبعدين عرف انها كافله ايتام سته ماشاء الله بدا ابوي يسامحها بالاجار بس هي على ما اعتقد عقي

عقيم

اذا الله منعم عليك بالذريه فالحمدلله
بس عشان تتعدل حالتك الاسريه اجيب يتيم
ليش يالغاليه ماتدرين عن الدنيا يعني اللي يجيب لبيته يتيم على طول تتعدل حالته للاحسن لا حبيبتي على حسب المعامله
انا ضد اخذ اليتيم وتربيته اذا الله رازقك ذريه
وانا مع اللي الله حارمها الضنا وعايشه بدون ذريه
انا عندي من اقاربي حالتين من الايتام
وحده بعمري وهي مثل اختي بس والله حالتها حاله
لان عندها اخوان من العايله المتبنيه ويوم كبروا وصاروا كبار وكل عرف انهم مو اخوان وتزوجوا اي مشكله كبيره تصير لازم تنجرح اليتيمه منهم
الدنيا تتغير لاتقولين لا راح اعيشها احسن عيشه لا ماتقدرين انتي ماتضمنين الكل ماتضمنين حياتها ماتضمنين نفسيتها لاكبرت وشافت كلهم عيالك وبناتك الا هي مو اختهم
انا ضد ضد ضد
انا عايشه معها مع يتيمه وشايفه المها وجرحها كلن تزوج وهذولا اخواني وخواتي تزوجوا لانهم حسب ونسب واهم اسم ولهم ام وابو حقيقيين وانا لا ماحد يبيني لاني مالي حسب ونسب ولاني مو بنتهم
وكل ماراحت مع اختها لاح قالولها انتم خوات ماتتشابهون ماتقدر ترد الحقيقيه فترد اليتيمه وتقول انا اختها من امها وتسكت تخيلي كيف الموقف كذا كل مره
كم مره يصير هالموقف وانا معها ومع اخته وترد هي اليتيمه لانه لا انا ولا اختها نقدر نرد ننلخم وهي ترد على طول واذا ردت نعتصر الم
والله ان تفكيرها اتعبها وامرضها لان اخوانها كلن ببيت لحاله اللي مع زوجها واللي مع زوجته وهي بالبيت مع امها قاعده تحتري نصيبها ونصيبها يجيها من نفس الشي بس ماجاء الله يرزقها
ليش هالناس مايشوفون اخلاقها ودينها وتربيتها وش يبون بحسبها ونسبها بنت اخلاق ومتدينه والله من يقعد معها يحبها من دينها واخلاقها وتعاملها بس الناس اذا دروا انها مالها ام وابو ماهي من عائله حقيقه راحوا


زوجك معه حق سوي تحويل شهري للايتام
بس تاخذينها لا لا لا البنت لا لا لا البنت لاااااااا تكفين تراه جيتي على جررررررح فضيع عندي اللي هي قريبتي زي اختي انا وياها خوات مانحب نتفارق
التربيه صعبه لاتقولين راح احسن تربيتها ماتدرين عن الدنيا وماتدرين عن الطبايع هل اذا كبرت البنت تقدرين عليها ولا تستقوي وتشوف نفسها مظلومه من المجتمع وانها مو بنتكم زي اخوانها وخواتها
ماتدرين لاتقولين الا اعرف لاااا عندك اطفال لاتظلمينها ولا حتى ولد يتيم لو انتي ماعمدك اطفال ممكن لانه اهون عليه بس عندك لاااااا جرح لليتيم لاكبر جرح عظيم
ليش مايعطون الايتام للي عندها اطفال عشان نفسية اليتيم لاكبر ماتنجرح لا صار شي قال انا غير انازمو ولدهم ويتاثر وينكسر ويتعب
وجوده بالمراكز ارحم من وجوده بين عائله كامله وهو مو لهم
قريبتي ثانيه اخذت طفل يتيم لانه مايمكن الانجاب عندهم وياليتها تجيب له اخو بعد من الايتام واللي رضعه اختها
هذا ممكن لانه ماعندها اطفال ماراح يتاثر


قريت موضوع ليتيمه العام هنا
هي عايشه عند عيله وشرطها تتزوج يتيم عند عياه مو من الدار تبي لعيالها اسره كامله تقول ابي عيالي يعيشون ان عند امهم وابوهم عيله مابيهم يصيرون منقطعين
وتزوجت يتيم مربينه عند عيله ونصدمت انه هذا اللي تزوجته قالها خلاص انا ابترك اهلي وانتي اتركي اهلك اللي ربوك خلينا نعيش لحالنا مانبي احد طلع هو اللي منجرح ومتاثر انه يتيم ومتعقد يبي يعقد اللي اخذها ويحاول يخليها زيه


شفتي ماهي سهله ولا هي حل لحالتك وعيشتك تجيبين يتيم تحسنين اليه عشان تتعدل حالتك مو باليتيم تتحسن اموركم
باشياء ثانيه تتعدل حياتك
ليش ماتتحسن الامور والحياة الا اذا تبنيت يتيم
لا يالغاليه ذولا خط احمر ذولا يحتاجون رعايه اكثر من عيالك لازم مايحسون بالم ولا وجع من هالمجتمع
تصدقي ادعي اكفلي يتيم بالتحويل
حطي حصله بالتسريحه وحطي كل يوم اللي تقدرين عليه ريال واحد المهم تتصددقسن وتجمعين ولا يدري احد واخر الشهر اجمعيهم وعطيهم الفقراء والعمال
ادعي وقري سورة البقره يوميا تطرد الشياطين من البيت وراح تحسين بحياتك سعيده مرتاحه
والله سورة البقره تنشر الراحه والطمئنينه بالبيت وتطرد الشياطين اللي تسبب مشاكل وبلاوي وسحر والعين
بس قراءه مو سماع
ليش مانفكر بحلول غير هالحال

اعوذ بالله

النبي عليه الصلاة والسلام شجع على كفالة الايتام ووصى فيهم ولهم اجر عظيم

وانتوا تنفرون البنت من الخير ع اساس مشاكل ونفسية ومادري وشو

الحين شذنب الام اللي تتبناه وتربيه وتتعب عليه يوم يحس بفرق بينها وبين عيالها

يعني هاذي جزاة المعروف بيتاثر نفسيا لانها فكرت تربيه زيادة على عيالها وعاملته مثلهم ؟

انزين واللي عايشين طول عمرهم فالدار وبدون اهل مستانسين ونفسيتهم فالعلالي مثلا ؟

حبيبتي الله يوفقج ويكتب لج الخير ويعطيج الاجر على نيتج

وماعليج من اللي يحاولون يحبطونج وينسونج الموضوع احنا مانستخير فعبادة وصدقة وعمرة عشان نستخير فكفالة ايتام

كلهم لهم اجر كبير وتوفيق كبير من الله

يعطون عادي اعرف كثير ماخذين وعندهم اطفال