يا اختي يقولون اذا دخل الفقر من الباب خرج الحب من الشباك
بالنسبه لي مستحيل أرضى بهالوضع والله مو تكبر مني أو تعالي لكن صراحة الوضع صعب

طيب يااختي ماعليك من اهله اهم شي الولد على دين وخلُق ومتعلم وعنده وظيفه تأمن مستقبله معك
انا اعرف ناس من قرايبنا فقراء والله يرزقهم ويرزق الجميع يارب
بس اولاده تعلمو ودخلو الجامعه وتوظفو وظايف مره حلوه وتزوجو وسكنو مع حريمهم في شقق والحين ماشاء الله كل واحد عنده بيت خاااص فيه وفقر اهلهم مش عيب
والمال يروح ويجي بس اهم شي انتي لاتمشين على رائي الناس شووفي انتي وضعك وقيمي نفسك تبينه وراضيه فيه ولا لاااااا
واهم شي الاستخاره لاتستخيرينه مرررره بس استخيري كثيرر والله بيدلك على اللي فيه الخير والخيره لك بإذن الله

وصح ابذكر لك قصة ناس بعد امي تحلف من شدة فقره امهم كانت تخدم بالبيوت وابوهم فقيرررررررر وحتى قوت بيتهم الاكل ياخذونه من الناس والجيرررران ومره حالتهم حاله ولكن اعيالهم درسو وتوظفو وتعالو شوفيهم الحين ماشاء الله طبعاً الاب والام الله يرحمهم توفو بس اعيالهم الحين كل واحد بيته فلـــــــــــــــه وعنده مؤسسات وعقارات ومطاعم ووظايف وكل هذا رزق من ربي سبحانه ..وحطي في بالك أن المال دوله بين النااس فكم من غني امسى فقير وكل من فقير اصبح غني وكل هذا من فضل الله سبحانه ورزقه للانسان

السلام عليكم

اختي شدني موضوعك ما قدرت ما اكتب رايي

انا تقدم لي واحد ما كان عنده شئ لاهو ولا اهله

وافقت عليه لأني حسيت انه طموح وحاب يكون نفسه ويغير من الحال الي هو فيه

وفعلا سبحان الله في فترة الملكة ربي فتحها علينا

يعني مو شرط تاخذيه فقير ويتم فقير انت شجعيه وان شاء الله الله يرزقكم على قد نيتكم

واهم شئ انك تسيتخيري وتكوني مقتنعة فيه مو بس تحبيه

الله يوفقك :)

اختي بقول لج قصه حقيقيه هي لصديقتي
صاحبتي هذي خواتها كلهم تزوجو اغنياء وكباريه
وهي جاها فقير على قده وهو مذن فوافقت عليه رغم ان اهلها رفضووه
ولكن اصرت وقالت مابي مهر مهري شبكتي وبس
وتزوجته وسكنت معاه فبيت بالمسجد واهل زوجها فقاره على قدهم
المهم هي عندها اربع خوات اكبر منها ووحده اصغر منها.
بعد مرور سنين وجابت صاحبتي عياال والحمد لله مرتاحه معاه
زوجها احترف التجاره مع شغله الاذان وتم يتاجر ويتاجر
وحصلت على وحده سكنيه بيت اسكان وبنتها وكبرته اشحلوه صار
وعايشه مرتاحه معاه وهو صار تاجر معروف بعد ماكان مذن ماله الا راتب الاذان
المهم خواتها شصار فيهم؟
الاولى تطلقت زوجا تزوج الخادمه عليها .
الثانيه تطلقت زوجها خمار ومدمن ويضربها كل يوم
الثالثه ما تييب عياال
الرابعه مشاكل ويا زوجها وكل يوم فبيت ابوها
والي اصغر منها سوت عقد قران وانفصلت بعداكتشفت ان خطيبها
على علاقه بصديقتها ولما انفصلت تزوج صديقتها وهي معقده من الرياييل ما تبي تتزوج

تخيلي هي الحين احسن وحده فيهم ومرتاحه ونعيم زوجها مغرقها ومابي انسى شي ان ابوهم توفى والحلال راح لاخوهم ومشااكل ويا زوجته وخلت اخوهم يطردهم من البيت
تحاططو كلهم وشرو لهم بيت عالقد وعايشين فيه
اخوهم مايدري عنهم ولا يهتم لهم والله ماققص عليج ان هاي مرت المذن ساعات
تسلفهم وتشتري اغراض للبيت وما تقصر فيهم ..
هاي قصه ولكن صجيه مو من الخيال واقسم لج انها لصديقتي واهلها..
فبعد هالقصه اظن تعرفين جوابي لج ياريت تتعضون منها

اذا انا اخترت الأنسان عن حب وقناعه
عمري ماراح احسسه ان بينا فرق بالمستوى او اني احسن منه
دام كل شئ برضاي وقناعتي ....ليش أجرحه...!!!