أجل تبي تتزوج عشانها تنام مع العيال من التعب ؟ و تبي تتزوج عشانك ترفض انها تسوي غدا ودوامك ملخبط ، ولين جعت تستحي تقول ؟ والله حــــــــــالة !!

وبعدين ليه تعترض على هذا الحكم الشرعي ؟ استغفر ربك بس
الزوج مطالب انه يجيب للزوجة خاااادم إذا كانت ممن تخدم
والحين الحمدلله كل البنات يخدمون(بضم الياء)
استغفر الله بعد نتنازل ومو عاجب


والله للأسف المشكلة الآن في اللي فاهم الزواج على انه ملابس مغسولة وغداء جاهز ونوم

أستغفر الله هل كل الناس الي ماتزوجوا يسوون كذا؟
ولا وازع ديني بعد ؟؟!!
راحوا فيها شبابنا خلاص ميؤوس منهم يابنااات(!)

( تزوجوا الولود الودود فإني مباه بكم الأمم يوم القيامة)
والزواج نصف الدين وإعفاف و فطرة في النفس ، سنــة للحياة بالفعل
استقرار للإنسان . معاني سامية مايفهمونها الي كل تفكيرهم بالزوجة على انها خادمة فقط للأسف

مشاكلك مع زوجتك الي ذكرتها تكاد لا تذكر من فرط (...)، فرجاء لا تبرر لنفسك رغبتك بالزواج
وبعدين انت تبي تتزوج عشانها ماقامت بحقوقك ؟
هذا الحل؟ الهروب بالزواج مرة ثانية؟
يعني بتميل جانب على جانب ؟ بدال ماتصلحها بشتى الوسائل وتنصحها ، وين الشخصية وين الرجولة وين التأثير ؟ معقولة انها بهالتهاون ( الي ماذكرته لنا ) ؟


الله عز وجل يقول ( فإن خفتـــــــــــم ألا تعدلوا فواحدة )
مجرد خوووف.. مهب اذا ماعدلت تطلق وحده وخلاص!!!!
وإذا ماعدلت، الويل للزوج الظالم من العقوبة، شقه مائل يوم العرض، أمام الخلائق، وكيف يكون هالعدل ؟ كل ريال وكل وقت تنفقه على وحدة وماتنفق مثله على الثانية محاسب عليه ، حتتتتى في الهدايا، بين الأبناء ، في المبيت ، كلــه محصي عند الذي لاتنام عينه ، اللهم فقـط الميل القلبي ، الي المفروض محد يدري عنـه ، هو الي مباح لك عدم العدل فيه ، لقوله صلى الله عليه وسلم :
( اللهم هذا قسمي فيما أملك فلاتلمني فيما تملك ولاأملك)

الدعـوة ليست "خذني جيتك" ولاهي بهالسهولة....هذي مسؤولية اضافية وبيت اضافي تشيله في ذمتك ،وعيال ثانين مسؤول عن كل فرد منهم مسؤولية تامة وكنت في غنى عنها،

وأساسا من الأصل مهب هذا الحل لمشكلتك الي كتبتها ، لكني قاعدة أناقشك بالي انت تبيه وبتسويه بدون أي مبرر.

طيب ليش ماتصارحها وتقولها اللي بقلبك واذا مااستجابت ورجعت حليمه لعادتها القديمه تزوج بس قبل الزواج فكر مليوووون مره هالشي مو سهل معناه زوجه وأولاد وبيت ومصاريف ومسؤوليه مره ثانيه,,

بسم الله الرحمن الرحيم

استغفر الله يمكن فيه سوء فهم للمقصد من الكتابه ككل
ردكم كاني بطلق الله يسامحكم وهذا شي مستحيل انشاء الله (( لاني احب زوجتي ))
الاخت @@رهام@@ والله اني داري انها بدايه ممكن تكون للمشاكل وممكن للخير .
الاخت ~Sweety~ انتوا كبرتوا السالفه كلها وهي مجرد امنيه ان يعود الجيل الاول واخذ منه .
يجب ان تعلموا ان الانسان من حقه ان يتمنى وليس كل مايتمنى المرء يدركه

وبعدين ممكن فهمتي قصدي خطاء لمن ذكرت المطاعم موجوده وان الاكل هم الانسان المتزوج او ان الغرض هو المتعه او الملابس النظيفه ابيك تقري
مرة ثانيه
(( لو تركنا الامور تسير بدون تعاون ولم نقسم الادوار ليس لي حاجه في الزواج المطاعم موجوده وكثير من البنات ضعاف اقدر اضحك عليها تكون مطلقه او ممكن تكون متزوجه فيكون الزواج ليس مشكله وكثير من الاباء يتمنوا فراق ابنائهم بسبب مشاكلهم اذا ليس الابناء هم هدف كثير من الناس اذا الزواج هو هدف لامور كثيره مجتمعه ))
قلت لو انا تركنا الامور تسير بدون تعاون ولم نقسم الادوار بان يكون كلن منا له دور يقوم به انا اتعب من اجلهم خارج المنزل وعندما اتي يكون كل شي مرتب وجميل سواء في المنزل او في المظهر او اعداد ماحب من اكل فاكون اعود للبيت وانا متحمس لكي نجلس على سفره واحده واحكيلها تفاصيل اليوم واذا فيه مواقف
مظحكه مرت علي وعلى العكس جيت والبيت هدوء لاغداء ولا استقبال فالكل نايم
اجلس لوحدي اذا ليه ارجع للبيت بدري اتخر للمغرب وارجع على الاقل القاهم صاحين او اجي هواش واصياح انتم ليه نايمين ليه ماسويتوا شي ليه وليه وليه
انا في نظري ماهي حياه .
وبعدين تكلمت عن اشياء يعتقد الناس انه من اجلها تزوج :
1 / ذكرت الاكل فقلت ليس ظروري فالمطاعم موجوده اذا ليس لهذا الهدف وحده تزوج الانسان فيمكن يوجد بديل عنه .
2 / الرغبه الجنسيه ممكن تلبى باكثر من طريقه فذكرت اسلوب يستخد لمن هم
يسعون لهاذا الشي باستتراج المطلقه او الارمله باسلوب التعارف قبل الزواج
او بعضهن ياست من الزواج اصلان بعد طلاقها فهي تعرف مايريد الشاب اصلا ولعدم وجود وازع ديني لديها او رقابه خارجيه فظن شرا ولاتسال عن الخبري
وبعظهم يستميل بعض المتزوجات التي كان يعرفها قبل الزواج وبعد الزواج يستمر معها بحجة انه يحبها وان الظروف لم تساعده في الزواج منها وانه ينتظرها الى الابد فهو لايريد ان يتزوج من اجلها وهي تقدم عرظها كدليل على وفائها له ,
او يستغل حاجتها او غياب زوجها (( من ليس لديها رقابه داخليه ولاخارجيه ))
(( وانا والله لم اقصد النساء جميعا واعرف تتمما انه منهن من هي في القمه في الخير والصلاح وافضل بكثير منا بعض الرجال سواء ممن تزوجن او من لم تتزوج اومن مرة بها ظروف في زواج عاثر فنفصلت عن زوجها او ترملت من بعده ولم اقصد العموم والله يشهد على ذلك )).
واذا ليس لهاذ فقط تزوج لانه يوجد ماينوب عنه .

3 / نسمع ان من الاباء من ظربه احد ابنائه او تسبب في وفاته او كثرة مشاكله
او اغتصب امه او اخته فتمنى والداه فراقه وتمنى انهم لم يرزقا به لذلك
قلت انه بسبب كثرة هذه المشاكل فكثير من الاباء يتمنى فراق اولاده لذالك
ليسوا الهدف الوحيد من الزواج لانه احيانا يكونوا شر ونكال على والديه .

فبعد ذلك قلت (( اذا الزواج هو هدف لامور كثيره مجتمعه )) فهو
اسمى واكبر وماهو الى حصيله لعدة امور مجتمعه مع بعضها لذلك يطلق على الشخص متزوج ويجب ان تتوفر هذه الامور فنحن نختلف في بعضها لاكن هناك
اساسيات لابد من وجوده ونتمنى ان تكون موجوده فذكرت ما تذكرت منها .
اعتذر مره اخرى واشكر للجميع ماكتبوه .