اتمنى القى رد يشفي القلب

السلام عليكم عزيزاتي.

اخواتي اتمنى منكم المشوره لأختنا الحيرانه... هي صديقه ليا محتاره في امر وسألتني بس انا بصراحه قلت اخد رايكم لأني انا في المسائل هادي ممكن اتحيز لحواء اكتر واظلم ادم ... (من كتر اللي شفته من ادم)

المهمم ما اطول عليكم ... صديقتي متزوجه ما لها شهر اتزوجت انسان ملتزم غير متشدد والحمدلله سعيده معاه بس هناك مشكله بتنغص عليها حياتها كل ما اتزكرتها وبتخرجها من جو السعاده اللي هي فيه...

المشكله انه زوجها صارحها بإنه قبل ما يخطبها سجل في موقع من المواقع حقت الزواج واتعرف على بنات واللي شافها ماهي مناسبه تركها المشكله انه في وحده منهم اتعلقت فيه مررررررررره وقالها تسأل اهلها ازا يوافقو على زواجهم بس اهلها رفضو بعدين هو خطب صديقتي والحمد لله اتزوجو بس البنت هديك بقيت على اتصال به على النت والجوال ولمن عرفت انه خطب وحيتزوج بعد ما اهلها رفضو رمت نفسها من تاني دور وطاحت واتكسرت واخوها كلم زوج صاحبتي وقاله على اللي سار واخونا في الله اتأثر مرررررررره وحمل نفسه المسؤوليه وفضل على اتصال بيها الى الان وبعلم زوجته على انه بيتطمن عليها فقط والشي هادا مزعج صديقتي ومخليها تفكر ليل نهار وتدعي الله انه يبعدها عنه ويرسلها ابن الحلال اللي يشغلها عن زوجها والمشكله انه الزوج مو مقتنع انه مو هو السبب وخايف كمان لأنها قالتله لو ما تزوجتني راح اكب على وجهي موية نار .... شوفو فين وصلت بقلة عقلها ما تعرف انه كل شي قسمه ونصيب .... وصديقتي الان خايفه انه من خوف زوجها من المسؤوليه انه يتزوج البنت هادي اللي قلبت كل حياتهم نكد في اسعد ايام حياتها ..... اتمنى منكم حبيباتي المشوره لصديقتي وتدلوها على طريقه ترتاح بيها وتريح قلبها ..... وشكرا