اتمنى الكل يشارك ويعطيني رايه عشان . . . .

افا والله ولا وحده عندها راي. . . .

انا قلت الكل بيفيدني . . . .

ان شاء الله البنات يفيدونك

انا ماعندي ادنى فكره عن مشروعك بس ماحبيت امر وماحط بصمتي بالموضوع

على العموم الله يوفقك

هلا الغاليه

1)في اشياء مهمة جدا وهي الخصوصيه في المكان من ناحية وجود حواجز او غرف مستقله لكل زبونه

2)اختيار عاملات متاكدين من خبرتهم وشهاداتهم في مجال المساج (لانه احيانا تكون غير متخصصه ولديها خبره لكن تضغط على اماكن بالجسم تؤذيها فيما بعد للزبونه نتيجه هالمساج اللي تسوين من غير دراسه علميه لمعرفة كل مكان يختص بشو)

ايضا من ناحية العاملات اهم شي تكون نفسيتهم حلوه ولبسهم موحد او مثلا بالنسبه للمساج يكون فيه اكثر من لبس للعامله اذا كان مساج ياباني او صيني يكون لها لبس صيني او الاكتفاء بلبس واحد نظيف ولونه يفتح النفس
وتكون بشوشه مو نفسها شينه لانه هالشي مهم بالاستقبال وحتى لما تسوي مساج للزبونه اذا نفسها شينه مصيبه

غير انه بعض العاملات عليهم حركات تقهر (كنت مره اسوي إل بي جي واللي فوق راسي تسوي لي كل يوم تسوي بحلقها صووووووووت قرفني احس نفسي بستفرغ كانت تطلع البلغم وترجعه بحلقها يعني الصوت فعلا مقرف وشكلها معتاده على هالحركه) مثل هالاشياء ممكن تطفش الزبونه.


3) الحرص على عدم وجود اي منكر اي ان يكون اللبس محتشم وحتى الحمامات المغربيه مثلا او المساجات يجب ان تكون خاليه من المنكر اي فقط يكون حسب الحدود الشرعية لعورة المرأة امام المرأة وليس مثل ما هو حاصل الان في كثير من محلات الـ spa اللي تلاقي فيها كشف تام للعوره او البقاء بالملابس الداخليه العاريه ، ووضع الموسيقى لانه حرام حطي بدالها سوت هدير ماء بشكل خفيف او صوت عصافير ناعمه وهي تعطي هدوء حلو.

لانه تاكدي ان كان هناك محرم واحد في مركزك فيكون مالك حرام وماكلك منه حرام وملبسك حرام والمال الحرام لا بركه فيه ابدا وربنا ممكن يعاقب الشخص على هذا اما بمرضه وصحته او زوال النعمه عنه. فانتبهي لمسألة خلوه من المنكر.


4) اختيار الديكور والالوان والاضاءه المناسبه التي تعطي الهدوء التام وان يكون كل غرفة مساج مختلفة في تصميمها على حسب نوع المساج
فهناك مساج صيني
مساج ياباني
وانواع كثيره تختلف فجميل لو جعلتي كل غرفة مساج حسب متطلباتها الفعليه يعني مثلا المساج الياباني اكيد غرفهم لها شكل وطابع يدل على انه ياباني ويكون مريح ويسترخي فيه الانسان.

ايضا اختيار نوعية الاثاث والادوات المريحه للجلوس او لعمل المساج.


5) بالنسبه للعناية بالاظافر فاهم شيء (التعقيم) ويكون عليه مراقبه لانه للاسف بعض الاماكن تبين لك نظيفه لكنهم يضحكون على الناس ولا يعقمون الادوات وبالتالي تنتقل الفطريات فلازم يكون فيه دائما تعقيم للادوات
او ممكن تسوي خدمه ثانيه وهي التالي:
توفري ادوات خاصه بالعناية بالاظافر والقدمين يعني المنيكير والبديكير تكون خاصه بالزبونه الدائمه
وتكون بسعر معقول تنحط باسمها اذا تحب تاخذها للبيت معها وكل ما جات تجيبها
او انه يكون في عندكم مثل صندوق امانات كل واحده تحط شنطتها او ادواتها الخاص بهالخزاين الصغيره.

(تمنيت لو لقيت هالفكره باي مركز منيكير وبديكير بس للاسف ما شفت)


ونفس الشي بالنسبه للمساج وتعقيم الادوات بشكل صحي ، وايضا المناشف الافضل لو كل زبونه يكون لها منشفتها اذا كانت زبونه دائمه ويكون هالشي بسعر معقول. او يكون فيه عدة مناشف لكن اهم شي التعقيم وعدم استعمال نفس المنشفه من زبونه لاخرى بدون غسلها وتعقيمها.

وايضا اختاري اثاث حلو او معدات حلوه لمكان المنيكير والبديكير بحيث انه ما يتعب الزبونه (تقدري تاخذي فكره من محل Nails بابوظبي موجود بالمهيري سنتر وبماركس اند سبنسر) قعدتهم حلوه ومريحه.

6) حاولي تجيبي كريمات او لوشنات واشياء تكون صحيه وبنفس الوقت مميزه يعني ابحثي عن شي مميز ما سبق له احد من هالناحيه.
حاولي تدوري على منتج زبدة الشيا وتوفريه لانه جدا ممتاز للبشره.


ان خطر على بالي شيء ثاني بخبرك :)

طبعا هذي افكار انت ممكن تاخذي منها اللي تقدري عليه وتطبقيه بتكلفة تناسبك وعلى شكل مصغر.

ماشاءالله ماقصرت مليكة
واحب أأكد على نفسسسسية العاملات ومهارتهم
لانه هذا الشي الوحيد اللي يخليني اما ارجع للمحل مرة ثانية او انصح الناس انهم مايزورونه

الله يوفقك يارب . ويعطيك من حلاله ويبعدك عن حرامه .