اتمنى الموت

حياتي صعبه كثير
بدت بطفوله حزينه وام وأبو منفصلين
الابو تزوج وخلف ونسانا تماما
والام هي اللي ربتني وتعبت علي وع اخواني
الان انا منصب عالي وراتب وبيت ملك وأطفال رائعين حياه مثاليه عزيت امي ورزيتها وشريت لها فيلا وشقق وممشيه لها راتب علشان ماتحتاج احد
بس منكد علي ذكريات الامس ...!
لسى بقلبي حسره على حاجتي انا وامي
لسى اسال نفسي انا مو بنته طيب ليه ماتعب علي ولا صرف علي
ولا وداني مدارس ولا طبيب اسنان
فيني غضب كامن ونظره سوداويه للحياه ماني حاسه بالأمان
وتصدقون لما اشوف أي رب اسره رايح يسجل بنته ولا ولده اتحسر على عمري
لما انزل المول والقى بنت دلوعه ابوها تمشي معاه ولا ماسكه يده بامان أقول ليه انا ماكان عندي اب يعاملني مثلها
اب يشتري أدوات المدرسه لاطفاله أقول وانا وين حقي الضايع
تخيلو لما كان عمري ثمان سنوات كنت بصف ثاني
جاء ابوي يأخذ فلوس من اخوي الكبير علشان يصرفها على عياله وزوجته
شنطه المدرسه مقطوعه والله مااقدر اشيلها
رحت له بكل ادب قلت له ماعندي شنطه اشتري لي شنطه قال اسوء كلمه بحياتي قال انتي مثل الشحاته كل ماشفتيني طلبتي فلوس ؟؟
وجهي صار الوان أتذكر اخوي كان بالمتوسط مسك يدي ودخلني عند امي
قامت امي نزلت أغراض الخياطه من شنطه الخياطه وعطتياها اداوم فيها ماكان عندها الا راتب الضمان تصرف منه علي
وأول ماتوظفت جاني يطلب فلوس قالت امي عطيه علشان مايفصلك من شغلك
جبار بمعنى الكلمه


كنت عنده وقت وفاته واكلته زبادي وشهدته الشهاده كان ينطقها وعيونه مدمعه ويقولي سامحيني يابنتي


الان عمري 35 وتحتي إدارات وموظفين ولسى أتذكر هذيك العصريه اللي قالي فيها شحاته


رجائي رجاء حار رفقا باطفالكم علشان مايدعون الصلابه وهم مكسورين من جوا
الان كل الوقت افكر بالانتحار والله
بس قاهرني شي واحد مابي امي تحزن علي لما انتتحر واموت


عطوني رايكم ....