اتمنى النصيحه

م ينفع تعلقين ع غير ذي محرم ولو كان مشهور وإذا يعني مشهور

اجلسي معاه وقولي له وش يرضيك واذا قال احذفي سناب احذفيه لاتخربين بيتك ع شي تافه

حاولت اكلمه ما يكلمني ماعطاني مجال

صباح النور منال
اعذريني الحق مع زوجك واي رجال في الدنيا عنده غيرة ماراح يرضى ابدًا ان زوجته تراسل شخص غريب عنها
سواءً مشهور او غيره
وماهو معناته مشهور يعني خلاص الحبل فالت
ولازم يقبل
تصرفك غلط مهما بررتِ حتى لو كانت مشاركتك اللي ارسلتيها عادية
فهو من وجهة نظره كَـ رجل يشوفها خيانه
وممكن يطري في باله اللي خلاها تراسله اكيد راسلت غيره

انا اتكلم لك من وجهة نظره هو وتفكيره كرجل شرقي

وانا انصحك لاتسمعين للي تقولك هو يراسل هو يكلم وهو لو كلم كان سامحتيه ايه نعم ذنب الرجل والمرأه عند الله واحد

ولكن في مجتمعنا ذنب الرجل لايكاد يُذكر ومايتقارن وضعه بوضع الانثى لان الانثى اكثر حياء وخجل

اللي عليك اللحين حذف المشهور هذا بكبره من عندك
تلتزمين الصمت لين الموضوع يهدأ لان زوجك الأن في مرحلة نفور منك وتقزز
وماراح يسمع منك اي تبرير يقنعه

اعطيه مساحته خليه يزعل ويطنقر من ابسط حقوقه
وبعدين اجلسي معاه وتفاهمي بهدوء

قولي انا اعترف اني اخطيت واعترف اني تصرفت بطريقه ماترضي الله ثم ماترضيك لكن هو كان طارح سؤال وانا شاركت حالي حال المتابعات اللي عنده وكلامي مافيه اي شي مسيئ لا لنفسي ولا لسمعتي
وكان حاط جائزه قلت اجرب حظي مع الفراغ ماكان عندي شي اسويه قلت اشارك

وانت تدري بتربيتي وانا بنت مين واوعدك ماتتكرر ويهمني رضاك وسعادتي معك
واللي تبيه ابشر فيه

لاتحاولين ابدًا تنفعلين لان اي انفعال منك مو من صالحك ويرجعك لاهلك ولو قالهم السالفه محد راح ينصفك ابد

شوفي سألت زوجي اللحين بس جبتها له انه وش موقفك لو عرفت اني مثلا راسلت مشهور
هل بتزعل او تشوفه شي عادي بما انه مشهور…؟؟

قال وش مناسبة هالسؤال قلت جاوب حاطين استفتاء😂😂

قال لي بالحرف ( بسريك بيت ابوك وش ابي ف وحدة تكلم رجال غريب وهي على ذمتـي
ماتجلسين تحت عيني دقيقه)

والله العظيم انا خفت من جوابه وانا مالي دخل
علشان كذا الموضوع نظرتنا فيه كنساء تختلف عن الرجال تمام 👌

الله يصلح حالك واحوالك حبيبتي ويسخره لك سحابة صيف وتمر

حسب توضيحك عن نوع التعليقات اللي تكتبينها
انا ما اشوف انك عملتي غلط فادح يستحق هجوم ابو عنتر عليك
ويا كثر الرجال والنساء اللي اشوفهم بمواقع التواصل يعلقون ويناقشون وواضح من محتوى حساباتهم انهم متزوجين وعندهم اطفال
وحتى زوجك ما استبعد انه كذلك يتابع ويعلق ويناقش النساء فلا يسوي فيها المسكين المخيون وهو ماعنده سالفه
كل الحكايه طق فيه عرق الغيره وحس بالنقص وربما دخل في نفسه مشاعر غبيه ان هذول المشاهير عاجبينك وما يحتاج نشرح لك عقليات بعض الذكور في مجتمعاتنا
وتطمني وارتاحي هو مو شايفك خاينه الله يكرمك ويعزك عن هاللفظ القبيح لانه لو شايفك فعلياً خاينه ماجلستي في بيته ثانيه كان صحاك من نومك بطراق يطيرك لبيت اهلك لكن مثل ماقلت هو بس طق فيه عرق الغيره
وما اعرف وش انصحك تسوين لكن طالما وضحتي له كل شي وتناقشتو خلاص قفلي الموضوع وكملي الحياه عادي ولا كأنه صاير شي لان بعض الرجال اذا شافو الزوجه تستقتل في رضاوتهم والاعتذارات يصدقون انها غلطانه ويعاملونها على هذا الاساس
وبخصوص التعليقات على المشاهير الرجال اذا مو شي مهم ابعدي نفسك وارفعيها عن الشبهات ولا تعلقين وريحي راسك ولا تنسين ان الشيطان شاطر يدخل لبني ادم من أي مدخل مثل ماحصل مع زوجك لما شاف التعليقات في عقله ان زوجته تكلم رجال وما يهم اذا مجرد تعليق تافه المهم انها تكلم رجال للاسف
ولعلمك سبق انفتحت مواضيع هنا عن نفس مشكلتك لكن اللي مسويه دراما وتصايح ومتمشكله هي الزوجه مو الزوج لانها شافت زوجها يتابع ويعلق عن مشهورات بنات سوت مشكله وتهاوشت وتزاعلت بسبب هذا الشي فلا تلومين زوجك يوم هاجمك للاسف اغلب عقليات المجتمع كذا سواء نساء او رجال