اتمنى اموت وارتاح مهمومه وخايفه ومكتأبه

بنات كيفكم
انا احتاج نصيحتكم واحتاج مشورتكم
انا مكتأبه نفسيتي دمار
انا يابنات متزوجه من رجال عديم الاحساس زوجي متسلط وقت زعله ماينطاااااق ماينطاق ولا يتعاشر بينا سته عيال الله يحفظهم
عيالنا فيهم شقاوه وفيهم فرط حركه متعبين بشكل ماتتصورونه اكبرهم بعمر 10 سنوات الله يحفظهم جميع
انا تعبت نفسياً من تربيتهم ومتابعتهم ابوهم مايسأل ولا يدور شغلته بس اغراض البيت والمطبخ وبس يطلع يسهر يسافر بحكم دوامه ماهو راضي نسافر معاه وبعد كم يوم طالع دوره مدة ثلاثه اشهر يعني شايل يده من كل شيء من بعد ما رابط على الحدود قبل اربع سنوات وهو كذا ولليوم انا ما ادري في احد عايش مثل عيشتي في زوجات عسكر يعانون مثلي او بس انا زوجي كذا ما ادري كيف عايشين مشتتين من سنوات يجينا ضيف ويطلع حاولت فيه ياخذنا معاه تحجج بالدراسه لان عندنا ثلاثه يدرسون انتهت الاجازه سفرنا 10 ايام ورجعنا للديره ونعيد نفس موال كل سنه
المهم والأهم زوجي رافض تماماً يجيب موانع حمل ومن شهور اطالبه يجيب ويرفض كلمت اخوي يوديني مستوصف خاص بركب لولب زوجي انهبل وزعل وقال ان سويتيها انتي طالق اخذت حبوب منع من وراه استمريت عليها وخلصت من شهرين واخوي انشغل مع بنته في المستشفى من مدينه لمدينه لها شهر ونص الله يشفيها ويعافيها قطعت المانع لي شهرين ودورتي غير منتظمه
الحين لها 20 يوم متأخره واليوم سويت تحليل والنتيجه الحمدلله على كل حال اثبتت وجود الحمل وبعد الحساب والعد عرفت اني في اربعه اسابيع وخمسه ايام
افكر اجهض حملي وخايفه مره وماني متقبله فكرة الحمل بذات وهذا زوجي مايسأل عن احد من عياله انا تعبت اربي لحالي ماتوقعت يحصل حمل بهذي السرعه بعد المانع استخدمت حبوب مارفيلون مدة خمس شهور وقطعتها شهرين انصحوني يابنات والأهم ادعولي والله ماني عارفه كيف اتنفس مخنوقه الله يرحمني برحمته