mam Iam :

محد يدري وش الخيرة ..لكن اهم شي وهو من اركان الايمان الستة الرضا بالقضاء والقدر . انصحك لا تفكرين بأن مشاكلك بتنحل بالغربة .. والا وضعك ماراح يتغير ابد الا اذا تغربتوا.. خلي نظرتك للحياة واقعية .. تقبلي اللي حولك.. وعيشي وضعك بدون تمنيات يمكن مستحيل تتحقق.. او ان تحققت راح تتفاجأين ان الوضع ما تغير !! لكن حاولي تكون حياتك الان ايجابية .. اذا على اهلك طبيعي تشيلين همومهم ..هم اهلك امك ..وابوك.. وخواتك .. هذولا الناس اللي انتي عشت تحت جناحهم وفضلهم عليك ما تلحقينه .. بادليهم الخير والمحبة وفكري بأمك وادعي لها ان ربي يسهل امرها .. كل البيوت فيها مشاكل .. واكبر غلط ان الواحد يهرب من المشاكل و لا يحلها!! وبالنسبة لأهل زوجك انتي خليك رسمية معهم وروحي لهم مرة بالاسبوع ادي الواجب والحمد لله .. وما عليك من الناس حبوا عيالك والا لا .. اهم شي انتي حبي بناتك اكثر من الناس وفكري بسعادتهن وخففي عليهن مشاعرهن بدل ما تزيدينهن.. بيضي قلبك على الناس وماعليك من قلوبهم .. اذكريهم بخير وما عليك منهم ذكروك بخير والا لا .. والمثل يقول اعمل خير وارمه في البحر ..الا ما يرجع لك على الشط بيوم تحتاجه!! وتفرغي لعبادتك وركزي بصلاتك من هاللحظة ..وش تنتظرين ؟؟ والا وش وراك؟ وش اللي مشغلك عن العبادة والقراءة ؟؟ اذا ما تبين الناس سكري بيتك وافصلي تلفونك وقفلي جوالك وتفرغي لعبادتك .. لاتخلين العذر مشاغل الحياة ولا مشاكل الاهل .. تخيلي انك اللحين بغربة وتعاملي مع هالوضع.. وارضي فيه.. اما بالنسبة للرجل .. بالعكس والله لا الرجل يقابلك بالبيت ولا شي .. والله ان الدراسة مطلعة الشيب بزوجي ..وهو ما تعدى الثلاثين .. والله ان اكله وشربه عالسريع.. وياما برا البيت بمحاضراته او المكتبه.. وان كانه بالبيت مسكر الباب على عمره يدرس.. والمسكين حتى نومته ما يتهنا بها..والهم ماكل قلبه اكل .. ماوده يضيع وقته حتى جلسته معنا تفكير.. وانا اشوف كل البنات اللي هنا يشكون من نفس الحالة ..والحال من بعضه.. وما نصدق تجي الويك اند اطلع للبنات اغير جو .. والا هو ياما جالس بالبيت يدرس والا بالمكتبه!.. تعوذي من ابليس ولا تتعلقين بالغربة زي طوق النجاة اللي بينجبك من الغرق والا بتغرقين.. بالعكس تعلمي كيف تسبحين ..واعتمدي على ربك بالصغيرة والكبيرة وتوكلي على الله .. ان حصلت الغربة لك فالنفس مشتهية.. وان ما حصلت لك فانتي مستغنية بالله عن كل شي ..

محد يدري وش الخيرة ..لكن اهم شي وهو من اركان الايمان الستة الرضا بالقضاء والقدر . انصحك لا تفكرين...