السلام عليكم و رحمة الله و بركاته :26:
اخواتي العزيزات هذا اول موضوع لي و إن شاء الله مايكون الأخير
اتمنى تقبلوني ضيفة بينكم :27:
و اتمنى من كل قلبي محد يزعل من كلامي و يعتبره تهجم
او يقابل موضوعي بتهجم و تهكم...
اخواتي ربي يعلم غلاتكم بقلبي و معزتكم
لكن عندي كلام بقوله هنا و اتمنى تتقبلونه برحابة صدر
لاحظت انه لما وحدة من الأخوات تحط موضوع تبي إستشارة او حل لمشكلة
و تطلب رأي اخواته بالموضوع لين هنا ماغلطت و كل شي تمام :35:
عشان تفهمون قصدي لازم يكون فيه مثال:
فلنفرض انا دبة كيوت جيت و قلت يابنات الله يخليكم ساعدوني
زوجي فتحت جوآله و لقيت مقاطع مو زينه((بسم الله علي توي بنوتة خخخخ)):22:
نجي للردود رد الإخت رقم واحد:
اعوذ بالله زوجك هذا فاسق و مايخاف الله لو هو مسلم ماسوا كذا!!
رد الإخت رقم إثنين:
حبيبتي اكيد هذا عينه زايغة و لاعب بذيله.
رد الإخت رقم ثلاثة:
حبيبتي انصحيه و الله يهديه إن شاء الله هي زلة و صدقين ماراح تدوم<<"اهنيكي على روعة تفهمكي بإنكي فكرتي قبل تكتبين الرد".
رد الإخت رقم اربعة:
اعوذ بالله الحمدلله زوجي مو كذا وه بس يخليه لي.<<"اختي تبي حل ماقالتلك امدحي بعلك الغالي".
رد الإخت رقم خمسة:
لو انا مكانك والله لا اقوله وديني بيت اهلي وورقتي تجيني مالي قعدة معك.<<"عيني بعينك والله ماتسوينه".
رد الإخت رقم ستة:
للرفع لا حول و لا قوة إلا بالله العلي العظيم.<<"انتي رائعة"
إنتهى مشهد المثال,,,
اخواتي الغاليات اتمنى تكون وصلت الفكرة حبيبنا صلى الله عليه و سلم قال و وصانا
((من كان يؤمن بالله و اليوم الآخر فليقل خيرآ او ليصمت)).
مااعظمه عند الله سبحانه!! الرسول قال لو كنتي تؤمنين بالله واليوم الآخر ياتكونين محضر خير و لا تسكتين
احسن و احفظ لحسناتك..
حبيباتي مو كل من طلبت المشورة تكون بكامل وعيه والله نحن إناث و ماادراكي ما الإنثى
ممكن تتهور بلحظة زعل و غضب و تقول وديني بيت اهلي و هي بباله صادقة العضوة فلآنة
الرجل مو زيي تفكير المرأة وديني بيت اهلي والله العظيم هالعبارة تجرحه و تمس رجولته
و الي تلفظ هالعبارة بتتحمل العواقب لحاله العضوة فلآنة مابتكون معك ببيتكم ماراح يضره
مجرد رد كتبته و خلاص طقطقة كيبورد و حركة اصابع ضربت فيها بيت كامل!!
والله والله والله ماتدرون قد ايش ممكن رد تستهونين فيه يخرب عش هادئ وش يفيدك
يافلآنة يوم البنت تفرش سجادته و ترسل سيل دعوآته للرحمن لا تستبعدين تدعي عليكي!!
وش يفيدك يوم لا ينفع مالآ و لا بنون لما ربي يحاسبكي و يقولك يافلآنة ماتذكري يوم بالدنيا
وحدة قالت كذا و كذا و كان ردك كذا بتقولين ايه يارب لو قالك ربي انتي هدمتي بيته و خربتي حياته بهالرد
بتناقشين الرحمن؟! لا والله تدرين ليه لأنه من ناقش الحساب فقد هلك ربي بيقولك فلآنة دعت عليكي بالدنيا
وش بيكون و وش بيكون و وش بيكون الله لا يحطنا بهالموقف يارب و لا اي مسلم :icon33:
الله يخليكم الله يخليكم لما تغضبين من موضوع اذكري الله علكي تهدين و يرجعلك صوابك
و بعدين ردي و احتسبي ان الله سبحانه مطلع عليكي وقت ماكنتي تكتبين و احسبي
الف حساب لردك مايندرى الدنيا دوآرة ..
كل الي ابيه قبل ماتردون على مشكلة تتذكرون قول محمد صلى الله عليه و سلم:
((من كان يؤمن بالله و اليوم الآخر فليقل خيرآ او ليصمت))..
و السلام عليكم و رحمة الله و بركاته,,,
دووووتس كل من عطتن من وقته الغالي :26:
دبة كيوت @db_kyot
محررة
يلزم عليك تسجيل الدخول أولًا لكتابة تعليق.
تولين 23
•
جزاك الله خير من وجهة نظري كل وحده تاخذ الموضوع بمنظورها الشخصي وتحط نفسها مكان هالانسانه وناسيه صاحبة الموضوع وحاجتها للنصح الله يهدي القلوب ومشكوره ع الموضوع
صادقه انتي بس هي صاحبة الموضوع كيفها تاخذ بالرد المناسب لها
لان فيه ناس ردهم مامنه فايده
وكثير يكونون حكيمات وتنفعها بإذن الله
لان فيه ناس ردهم مامنه فايده
وكثير يكونون حكيمات وتنفعها بإذن الله
الصفحة الأخيرة