ام سحــــيم @am_shym

عضوة جديدة

اتمنى بالفعل منكم المســـــــــاعده.. ضروري

السلام عليكم اخواتي

بغيت اكتب في هالموضوع لاني بصراحه ما اعرف منو اسأل غيركن..

الحين الوحده يوم تحمل.. سعات تصير مو طايقه نفسها مثل ما انتوا عارفين.. والنفسيه تصير زفت.. وطبعا بعض الحريم يكرهون ازواجهم ورحتهم..

انا من النوع اللي ما احب اشم ريحة زوحي (للاسف مع انه ريحته روعه) مسكين عيز.. يسبح اكثر عن المعتاد. يتعطر اكثر عن المعتاد ومع ذلك ما اطيق ريحته بالمره.. :11::11::11::01:
وهالشي مع انه ادري مو بيدي.. وهو متفهم له بس انا اخاف انه هالشي يسبب برود بينّــا .. واخاف انه يمل مني .. واشياء كثيرة لو اقولها ما بخلص..

فيا ريت اللي تمر في مثل حالتي تقولنا عن حالتها عشان على الاقل احس انه في حد معاي ويمر او مر في نفس ظروفي..

اتمنى تساعدوني صدق .. واذا ادر اتخطى هالشي بسرعه عشان زوجي وحليله والله.. :44:
مسكين واله يغمضني.. بس كل ما احاول اتقرب منه تلوع جبدي اكثر واكثر.. :44::06:

مادري شو اسوي.. افيدوني جزاكم الله خيرا

826

يلزم عليك تسجيل الدخول أولًا لكتابة تعليق.

تسجيل دخول

alamoora • 20 سنة

مرحبا اختي ام حسيم .... والله انا من النوع اللي ما اطيق زوجي وريحته يوم احمل لدرجة انه سبب الوحام في بالي انه هو اتعب وايد اذا شميت ريحته .. بس حليله كان متفهم وايد ومصبر عمره وهذا الشي طبيعي بس صدقيني اربع شهور با الكثير وينتهي كل شي انشاء الله .... اذا انتي خايفه يصير برود من بينكم انا اقولج اياها با العكس بيزيد حبه الج اكثر واكثر وخاصه اذا كان مولودكم الاول .... وانشاء الله البنات يفيدونج اكثر ...

ظبيــة الـــدار • 20 سنة

عادي حبيبتي...

أنا الصراحة مريت بنفس حالتج في وحامي... وكنت أستحمل ولا قلت له شي ولا بينت له... لأنه كان سفره قريب... فما بينت له شي...

وكنت أحيانا أروح بيت أهلي أيلس عندهم فترة وبعدين أرجع... ولما سافر صرت ما أطيق أيلس عند أهله لأني كرههههههههههههههههههههههت ريحة الغرفة وريحة بيتهم ولاعت جبدي من كل شي... وحامي كان على الروايح.. وحتى عطري اللي كنت متعطرة به أول ليلة كان واااااااااااايد يحبه زوجي... بس صرت أكرهه وما أحب أتعطر به لليوم هذا... وهو سار وخذ منه خمسه لما سافر...

ورجع بعد شهرين والحمدلله راح الوحام عني وافتكيت وسافرنا مع بعض وافتكيت من ريحة البيت وغرفتي...
ورجع الوضع مثل قبل...

والحمدلله كان له حل في هذا الحمل.... الله يستر على الحمل الجاي... شكلي بواجهه بالحقيقة المرة... كنت عروس مستحية ما أقدر أقول له... بس عقب لا خلاص أم عياله لازم يراعي شعوري....

أدري أني ما أفدتج بشي... بس صدقيني ما في شي يزيل اللوعة... واللي سمعته أنه الزنجبيل ممكن يخففها...
والله يعينج... ويصبر زوجج كم شهر... واحمدي ربج... في ناس تتوحم لين تولد.. وفي ناس حتى في الأربيعين...

الحمدلله يا رب على كل حال...

وأعرف وحدة نفس حالتنا تقول لي كانت تحط اللحاف بينها وبين زوجها :eek:

لين عدت مرحلة الوحام...

تحياتي :26:

ام سحــــيم • 20 سنة

الاموره.. تسلمــــــــــــين والله كلامج صدق ريحني.. ومسكين زوجي بعد متفهم وايد الحمدالله..

وبالفعل اتمنى تمر هالشهور على خير ان شاء الله.. لانه انا لاعت جبدي..

تسلمين والله حبيبتي والله على ردج.. :)
ويزاج الله خير يا رب

ام سحــــيم • 20 سنة

السلام عليكم اختي جـــــــــــــود.. بالفعل قصتج الحمدالله افادتني.. لاني كنت افكر اسافر شوي كمن يوم عشان ارتاح.. لانه انا نفسيا تعبت قمت اصيح .. لانه ما قمت اكل ولا شي.. وكل الاشياء اللي احبها انحرمت منها.. ولا شي اقدر اكله.. والله لو تشوفيني وحليلي من تخف شوي اللوعة اقولهم يبولي.. ومن ايبولي الشي ما اكله.. :(

وزوجي وحليله متفهم وااااااااااااااااااايد.. الحمدالله.. وبالفعل اتمنى بعد 4 شهور يخف هذا كله لانه بالفعل انا تعبت نفسيا .. صدق الله يعين.. بس ما اقول غير الحمدالله على كل حال..

واشكرج والله ويزاج الله خير حبيبتي على ردج

honey_lipes • 20 سنة

:26: :26: :26: