اتمنى تدعووون لاختي وبناتها ( ام ريمان وريفان )

السلام عليكم ورحمة الله وبركاته

يا خواتي اتمنى منكم الدعاء لاختي وبناتها ( ام ريمان وريفان ) فهي في هم لا يعلمه الا الله بسبب سفر زوجها وتعلق بناتها في ابوهم ويوم جاء زوجها يسافر تركها عند اهلي ومن تركها والان له اسبوع مسافر وبناتها 24 ساعه يصيحن ولا يبن امهم تبعد عنهن ووحده من بناته فيها ربو الله يشفيها واذا صاحت كثير تنكتم وماصار ينفع معها جهاز البخار اللي يستخدم في البيت لانه مايفتح صدرها بسرعه ولازم اكسيجين المستشفى ونومت بالمستشفى يوم والحمد لله طلعت بس صارت لنا معاناه مع بنتها الثانيه يوم نومت اختها بالمستشفى ورافقت معها امها صارت تبكي كثير وهي مانعين عنها الصياح لانها يغشى عليها وتغيب عن الوعي وغشيت على اهلي4 مرات وخافوا عليها يجيها شيء بسبب غيابها عن الوعي كل شوي وودوها عند واحد من عمانها لانها متعوده عليه وجلست عنده لين طلعت امها واختها من المستشفى ورجعت اختي لبيتها عشان بناتها وهي بمنطقه تبعد ساعه ونص عن اهلي وعلى وشك ولادة جلس اخوي معها ببيتها وحالتها النفسية تغيرت بسبب بناتها وصارت اذا صاحن واتعبنها تضرهن وتجلس تصيح معهن اتمنى تدعوووون لها ولبناتها مضيقات صدرنا والله يصبرهن ان شاء الله ويفرجها عليهن ويقوم اختي بالسلامه ويتقلمن بناتها عللى سفر ابوهن (يــارب) وحنا عارفين انها ان شاء الله فتره وتعدي بس شكل بناتها مطولات مو معودات لسرعه على ان اعمارهن صغيره (سنه وثمان شهور ونص)

واسفه طولت عليكم بس ابي افضفض من ضيقه الصدر بسبب حالة اختي واعز خواتي بس ماقول الا الله يفرجها يارب

وهذا رابط لموضوع هي واضعتيه عن تعلق بناتها بابوهن
http://forum.hawaaworld.com/showthread.php?t=2005369

والله يجزاكم خير يارب