اتمنى تفيدوني في غرفة عيالي

اخواتي الغاليات..

عندي غرفه في البيت حخليها غرفه لعيالي...اصايل 4 ونص وعبدالاله 2ونص

الغرفه صغيره ماهي كبيره تقريبا 3ونص في 4م

وعشان كذا نفسي اسوي لهم غرفه ناعمه ماهي كبيره وفي نفس الوقت تكون حلوه...الغرفه 4جدران نفسي اسوي كل جدارين مقابلين بعض لون..ومحتاره ايش اسويهم؟؟؟

(بينك وتفاحي)او(موف وتفاحي)او (بينك وازرق)بصراحه محتاره...اذا فيه الوان تانيه ممكن تفيدوني فيها اكون شاكره لكم..وطبعا ابغاها فاتحه عشان توسع الغرفه..وبعد كذا ممكن اسوي لها الشريط من فوق اللي تجي عليه اشكال..او ممكن اسوي لها طبعات اللي على الجار..وتكون طبعات للبنات..وطبعات تانيه للاولاد...

ماني حابه اسوي الورق عشان احسه ماهو عملي..

انا عارفه اني تعبتكم معايا ..بس عن جد مره محتاره واتمنى تفيدوني..لان الغرفه صغيره وماقادر اسوي افكار كثيره...

وفين تنصحوني افصل لهم الغرفه لاني ماعرف عن محلات الاطفال شي..لانه لازم افصل ..ماينفع اخذ الجاهز مره كبير وحياكل الغرفه اكل..

اتمنى تردو عليا في اقرب وقت..وجزاكم الله خير الجزاء