اتمنى تقرون كلامي وتفيدوني جزاكم الله خير ❤️

السلام عليكم ورحمة الله وبركاته
كيفكم ياحلوين شي بخاطري ابي افضفض واتكلم ابي احد يسمع لي صح اللي حولي بيسمعون لي بس احسهم م يصدقون اللي اقوله او يقولون الشيطان يلعب فيك صح الشيطان شاطر و يوسوس بي لكن هذا شي ربي كاتبه لي وعجزت اوصف او افهم احد باللي احس فيه مادري كيف اشرح او كيف اقول لكن والله العظيم مريت با ايام ما يعلم بها الا الله انا بنت عمري ٢٧ انسانه دايم رايقه والحمدلله مو قاصر علي شي ابد الحمدلله ياااارب تزوجت والحمدلله يارب بعد سنه حملت وجبت ولد هنا بديت اتعب بس كنت اقول من الحمل والولاده بتحمل وعادي يعني طبعاً زوجي اخوانه الكبار متزوجين وعندهم بنات وكانو يقولون لي البنات جيتي وخربتي ع سلفاتك لانه اول حفيد لهم كنت اطنش م اهتم لكلام الناس وقبل اطلع من الاربعين باسبوع هنا بدت المعاناة هنا بدا التعب جاني شي مادري كيف اوصفه فجاه تعبت جاني خوف وسواس لا اكل ولا اشرب احلام كوابيس دوخه استفراغ الله يكرمكم بس هوا م فيه شي بس استفرغ كذا رجفه قوويه تهد حيلي يجيني شعور غريب يقول ليش جبتي هالولد انا كيف جبته انا اصلا ليش تزوجت و حملت انتي راح يصير فيك شي انتي بتموتين انتي بتفقدين الذاكره انتي بتطيحين واهلك بيصير فيهم شي طبعاً هذا كله وسواس كان فيه احد يتكلم بأذني مارحت لزوجي ابد جلست عند اهلي صرت اكرهه وولدي وزوجي مابيه يقرب مني زوجي قالي تعوذي من الشيطان وارجعي يمكن تتغير النفسيه رحت يوم بس وقلت ولدي يجلس عند ماما انا تعبانه وم اقدر طبعاً كنت اتهرب من ولدي مابيه رحت لشقتي م قدرت اتحمل صياح وبكاء والم ف المعده قوووي يضغط ع قلبي وتجيني رجفه وكتمه وسواس م قدرت اتحمل ورجعت لاهلي و م قصر زوجي م خلا مستوصف الا ورحت له وتحاليل واشعه سليمممممممه الحمدلله بس نحفت نحف يخوف انهلكت ومع هذا الحمدلله كل شي تمام الحمدلله يارب قالو ماما وبابا مافيه الا تروح ل شيخ يقرا عليها رحت ل الشيخ يقرا علي صار يقرا وصرت ارجف وقلبي شوي ويطلع من مكانه واعرق وخوف رحت ثلاث ايام ورا بعض والحمدلله كل يوم اخف من قبل كانت ماما و اخوي معي الله يطول اعمارهم ويخليهم لي يارب اهلي وزوجي م قصرو معي المهم الشيخ سال اخوي هي تو صاير لها شي ف حياتها توها متزوجه ولا توها متوظفه ولا ايش قال اخوي لا توها والده هز راسه الشيخ وطلع قلمه وقال بيحسدونها ع هذا م تبي يحسدونها على ولدها اعطاني غسول لي ول شقتي وماء وسدر والحمدلله كل يوم احسن من قبل طبعًا في فترة تعبي هذي كانت فيه وحده من قرايبنا تجي بين عيوني م تروح من مخي ماكنت اعرف ليش ولا كنت ادري ايش تبي كنت ع بالي انا مسويه لها شي بس اليوم اللي تعبت فيه قسم بالله وربي يشهد ع كل كلمه اقولها وبتحاسب ع كل حرف بقوله اليوم اللي تعبت فيه جتني هالبنت وجايبه معها كوفي تقهوينا والحمدلله سوالف وضحك وكانت تقولي ودي اصير مثلكم ودي احب زوجي ودي يصير بيني وبين زوجي مشاعر وحب وطلعات وسوالف كيف كذا تحبون ازواجكم وكانت ماسكه ولدي من يوم جت واعطته صدرها وكانت تقول يارب يطلع شي من صدري اشتهيته تقصد ولدي انا طبعاً عادي سوالف قسم بالله العظيم وربي يشهد علي اول م طلعت من باب بيت اهلي انا بديت اتعب دوخه ع طول بكاء م اقدر اتحمل صوت ولدي مابيه ومن بعدها وهي تطلع لي كذا ف مخي بعد تعبي باسبوعين ولدي تعب صار عنده تشنج اوديه المستشفيات يقولون الطفل سليم مافيه شي م خليت مكان ما رحت له صارت تجييه تشنجات كذا بدون سبب قالي الشيخ علاجك سورة البقره يومياً واذكارك وتحصني استمريت عانيت انا وولدي ٨شهور الحمدلله الحمدلله الحمدلله يارب هذا ابتلاء من الله وربي يبي يكتشف صبري انا مابي اظلم هالبنت وخايفه ربي يعاقبني بس وربي كل م اشوفها تجيني ضيقة صدر واذا عرفت انها موجوده ف جمعتنا اتضايق مادري ليش الحمدلله اللحين افضل بكثيييير الحمدلله اجلس يومين ثلاث او اسبوع م يجيني شي ويوم اتعب وفتره لا التعب اللي جاني سبب لي قالون عصبي وهذا تعبي الان وولدي اعطيه علاج تشنج الحمدلله بس صار عنده عصبيه وعناد مو طبيعيه م اقدر عليه بسم الله عليه اذا عصب يشد اعصابه ويصير قوووي مره ماقدر يمسس نفسه وم اقدر عليه ابد ان شالله فهمتو شرحي يعني يشد نفسه ابي اسكر يده مثلا او رجله م اقدر لما اعطيه اللي يبي ويرخي نفسه وحتى وهو نايم ايام يكون شاد ع اصابع يده لما يتعمق بالنوم يبدا يرتخي ماعرف ايش الحل
طبعاً الحمدلله بس م زلنا مستمرين ع العلاج بس كل اللي ابي اوصله هل انا ظالمه هالبنت ولا هي سبب اللي فيني ماعاد اعرف خايفه ربي يعاقبني من شهر شوال بدا تعبي ادعو ان ربي يتم علي الصحه والعافيه ويشفينا ونرجع انا وزوجي مثل قبل صرت م اشوفه الا مرتين او ثلاث كل اسبوعين او كل شهر اكثر وقتي عند اهلي يارب يجمع شملنا م يقصر معنا والله بس صار يخليني كثير عند اهلي وانا ارتاح اكثر عندهم
يارب يشرح صدري وربي تعبت كثير ماعاد اعرف وش اسوي ايام اقول بتجه لدكاتره النفسيين لو ادويه ارجع مثل نفسيتي وحياتي انا وزوجي قبل طبعاً القرب من الله راحه عجيبه والصدقه وسورة البقره ف البدايه كنت ابكي وانا اقراها اتعب اتعب الحين الحمدلله يارب احسن بس ودي ارجع لبيتي واعيش حياتي عادي مع زوجي وولدي ❤️يارب يهديني ويصلحني ويشفينا ويشفي مرضى المسلمين مابي الا دعاء بسس اسفه على الا طاله والكلام الكثير ❤️