اتمنى تقري قبل ماتقدمي

الوظائف النسائية, جدارة, طاقات, حافز, تمهير

السلام عليكم ورحمة الله

عندي ملاحظات ياخواتي واتمنى تتقبلونها بصدر رحب

اولها انه حنا يالحريم مو متحدات ودائما نخرب على بعض 

تقولون لي كيف اقولكم سالفه قياس بالبدايه انتم خربتوها طالب البعض انها تدخل وهاذاها دخلت وتضرروا معظم الاخوات للعلم ترى درجه قياس حقتي مو شينه بس انا احب لاخي المسلم مااحب لنفسي

الان الاحتياج قليل جدا جدا واروح واقراء ردود لبعض الاخوات غريبه مو بس بهالمنتدى
منها اني ابقدم واجرب وان مانفع اعتذرت 

ليه كذا ياختي ليه 
الدعوة مو لعبه اذا طلع اسمك هذي نعمه من رب العالمين روحي وداومي وكافحي 
لاتكونين سبب لقطع رزق غيرك لانه الوزارة بعد ماتفاضلين وتجربين وتتركين الوظيفه ماراح تنزل اسماء لبديلات بعدك يعني راحت الفرصه على وحده ممكن تكون بعدك وعندها استعداد تروح 
لاتقولين نزلوا دفع العام الي نزلوا بعد المطابقه اما المباشرة مابعدها احد نزل بالعكس كلفوا المتعينات بنصاب عالي
الشيء الثاني الوزارة العام نزلت خبر انها جديا تنوي ارجاع شرط اثبات الاقامة والسبب انه كثير وضعها في وضع حرج داوم ماعجبه ضف قشة 

يعني راح تكونين سبب لعودة شرط تسبب في تكدس الخريجات 

اتمنى تفهمون كلامي وتعونة زين 

وخلونا مثل الرجال قلب واحد ماعمري سمعت رجال معتذر الا لاسباب منطقيه 

ادرسي الوضع امامك عشر ايام اقنعي اهلك بكل الوسائل ابحثي عن المناطق ورتبي خياراتك 
وصلي صلاة استخارة واعقدي العزم 

اما اجرب ولا احط اهلي اما اﻻامر الواقع هذا مع احترامي للكل لعب عيال 

وانا هناء ماراح اقول مااحلل وماحب هاﻻسلوب لكن قيسيها بالعقل اذا ماعندي استعداد افسح المجال لغيري ويمكن اكون سبب لرزق انسانه محتاجه 

لاتفهمون من كلامي اني مابيكم تتوظفون بالعكس الله يرزق الجميع وتراها فرصه لانه للاسف الامور كل مالها تروح للاسواء 


على فكرة اي وحده تبي تغلط وتتكلم باسلوب مو راقي ماراح ارد عليها
وتذكري الموضوع اخذ وعطاء مو حرب :frown:
6
654

يلزم عليك تسجيل الدخول أولًا لكتابة تعليق.

تسجيل دخول

kootfroot
kootfroot
موفقاااات يا بنات
و اهم الشيء التعاون بينكم يهون كثير من تعب الغربه و المشقه
B-S-M
B-S-M
صادقه اختي واقعيه وكلام منطقي جدا وانا الحمدلله مجتازه وطلع لي منطق بعيده اقربها لي الحوطه والحريق وبستخير اكثر من مره لان الرزق بيد رب العالمين واغلب الظن ماراح اقدم وربي يعوضني باحسن منها واقرب باذن الله والجميع ي رب والله الخدمه ظلمتنا والبنات بعضهم مندفعات الله يهديهم واحنا الضحيه وي رب الفرج بس نصيحه لاتقدمين الا وانتي متاكده باذن الله انك بتتحملين الصعوبات من جميع النواحي غربه وعوره طرق اماكن نائيه اطباع مختلفه اختلاف معيشه فكرو زين والله ولي الوفيق والقادر عليه سبحانه
حلا قحطان
حلا قحطان
فعلا كلامك جزاك الله كل خير ...ربي يرزقنا بالوظايف ويبارك لنا فيها
أمشاج ألم
أمشاج ألم
صادقة بكل كلمة الله
بالنسبة لي خايفة من هالاماكن بس قدمت وتوكلت على الله
ومو ناوية اجرب واذا ماعجبني تركت لاني حاطه في بالي اني راح اتعب واتغرب واتبهذل بس من يبي الرزق يتعب عشانه
ومافي شي يجي بالساهل
اللي تقدم وهي ماعندها نية تروح بعيد راح تخرب على نفسها قبلنا
لانها راح تنحرم من التعيين كم سنة قدام
وكمان بتقطع رزق وحده عندها استعداد تجي مكانها
بالنسبة لي اقول لكل وحدة بتقدم وهي مالها نية تروح بعيد بس بتجرب حظها حسبي الله ونعم الوكيل ..
الله ياخذ حقي منك وحق كل خريجة قطعتي رزقها بهالحركه
كفاية احتياجهم قليل وزي وجيههم
حسبنا الله ونعم الوكيل
B-S-M
B-S-M
اخت امشاج الم لاتدعين على احد والله بعض البنات مساكين تبي الوظيفه وبس وماتدري حتى انها تورط نفسها المفروض تشاور الاهل او الزوج قبل تقدم لانه قرار مصيري كلنا نبي الوظيفه بس لابد من التفكير بجديه علشان مانضع انفسنا بمشكله اكبر انا العام دفعه قياس الثالثه وفاتنا وانتم عارفين اللي صار وهالسنه ماقدر اقدم بعيد حيل وظروفي ماتسمح ومده صلاحيه اختبار قياس ثلاث سنوات والله العالم السنه الجايه كيف بتكون العقبات وكلت وفوضت امري الى الله