اتمنى حد ينقذني من حزني و يكون لي صديق

انا الصراحة انسانة وصلت لحالى صعبة نفسيا و ما لقيت غير ناس حسيتهم بيفهموني و بساعدوني و اللي هم بنات هذا القسم
بنات انا تعبت و تعبت اهلي معاي...... انا بقولكم شو اللي صايرلي
انا مثل ما تعرفون تطلقت من بعد ملجة 8 شهور و قبلها خطبة لسنه يعني عمر السالفة 2 سنوات كنت اسعد انسانة فيهم حاسة اني انسانة محظوظة في انسان في هذي الدنيا يباني شريكة حياتى و ام عياله شعور حلو عاش معاي طول هالفترة و كنت احبى و احب اسمع طاري و كانت الروحة للعرس احلى شي بالنسبة لي لاني بكون مثل هالانسانة في يوم و بسوي لي عرس و كلى الناس يتريون اجوفوني و زوج يتريا جوفتي
و يوم ملجت زادت الرغبة عندي و زاد الاحساس......و كانت احلى ايام عمري و حبيته و حسيت انه حبني و كنت اعشق كل اللي فيه .... و كنت عايشة سعادة وايد افتقدها الحين


.....انا ما ابي ادخل في التفاصيل لان تقريبا مرت 8 شهور على طلاقي ..... لكن قبل العرس اليي مان انه المفروض يصير بشهرين او اكثر صارت المشاكل بشكل تدريجي و قبل العرس بفترة يم الطلاق في النهاية صارت مشاكل و انا يمكن اللي شوي مخفف علي اني انا حاولت للنهاية وبعدين هو اللي ما بغاني بطريقة غير مباشرة و صار يعاملني بطريقة فظيعة و يقولي اني خلاص بتم طزل عمري اذلج و بتعبج و غيره من التهديد .... مشكلته مان ما يحب اني اناقشة .... و اللي مخفف علي انه اهلي حاولو باللي يقدرون عليه انه ما يصير الطلاق لكن الرفض من طرفة كان غريب و عدم القبول .....

و انا ليش اقولكم اني وايد تعبانة لاني افكر فيه ليل و نهار افكر بالحظات الحلوة و الكلام الحلو و الوم نفسي و اقول اني المفروض حتى ما كنت اقوله لا في اي شي و لازم ما ازعل حتى لو غلط علي و لازم ........اني ارضى بكل شي حتى لو فيه تعاستي بس اكون عنده و لكن بعد شوي اتينيافكار انه اكيد خير لي

يعني هذي الافكار اللي اتيني دايما و اقول هو كان يحبني اكيد انه كرهني لاني انسانة كريه و انسانة فاشلة و ما عرفت كيف امسك زوجي و احافظ عليه مع ان الكل كان يستغرب كيف اني اتحمل اهاناتا لي و جدام اهلي و بيني و بينا بس لاني احبا
المهم انا صارلي كم يوم مب قادره اشيلة من بالي ومب قادرة انسى الكلام الحلو ة اللحظات الحلوة و شكلة و صوته و حتى اي كلمة تنقال ججدامي و هو كان ايقولها اذكرها وا\كر كل شي و مرات اصيح من هالاحساس

المشكلة انا صارلي شهور و مب قادرة انساه و اهلي تعبو من انهم ينصحوني و انا اللي كنت قبل قريبة من الكل امي و ابوي و خواني و الكل كان يقولي انت اعقلنا و اطيبنا و لكن الحين انا احس نفسي اني صرت بعيدة عنهم رغم انهم يحاولن اسولفون معاي و يتكلمون بس انا طول الوقت سرحانة و ما افكر غير في ايامي معاه و احس بندم فظيع مب عارفة له سبب و احس انا عقلي خلاص ما له هم غير هالانسان


بنات انا ابي اتعرف على وحدة منكم اذا مرت عليها نفس اللي مر علي و عاشت بعد طلاقها بسعادة و عرفت تنسى او تتناسه

انا دايم اقول و بكل صراحة كيف بالقي السعادة و انا بعيش بعيده عن حبي السابق ..... انا احس اني اصير مرات من احسن ما يكون و مرات لا اعلم اتوه في وساوس نفسي


ساعدوني ارجوكم .... كيف اتعايش .....مع حياتي الجديدة