اتمنى طفلا اضمه لصدري ....فهل منكم من تكون سببا في ذلك بعد الله ؟

بدايه اسال الله العظيم رب العرش الكريم ان يقر عيني وعين كل مسلمه بالذريه الصالحه السليمه المعافاه
وان يرزقنا حسن التوكل عليه سبحانه انه سميع مجيب.......

انا الي اربع سنوات متزوجه وما حملت وقرأت عن الدكتور الحسن في المنتدى
فطلبت من زوجي انه نروح له
طبعا بعد ما رحنا طلب مني اسوي اشعه عشان التبويض تحاليل واني اسوي اشعه الصبغه
انا سويت التحاليل وزوجي كذلك وجيت في الموعد عشان الصبغه وقت عمل الصبغه كنت راح اموت من الوجع
بصراحه الم رهيب رهيب بشكل ما تتصورونه والدكتوره الي سوت لي الاشعه قالت لي الانابيب عندك متسكره مره وانا احاول افتحها بس هي ما قلت لي هي فتحتها او لا وايش الي صار بعد ما انتهت طلعت وخلاص
وقت الموعد انا رحت الدكتور ولما شاف الاشعه والتحاليل قالي انتي سليمه وما عندك اي مشكله قلت له كلام الدكتوره الي سوت الاشعه قال لا ابدا ما عندك شي
المشكله من زوجك لان الحيوانات المنويه الي عنده قليله جدا وصار يتكلم عن طفل الانابيب حتى انه قال حتى التلقيح المجهري ما راح ينفع لك ابدا ولا تحاولوا تعالجوا مافيه امل
طبعا انا فكره الانابيب رافضتها وحتى زوجي بس وقتها بصراحه انا خلاص حسيت بضيقه وحزن الله يعلم به
الان مر على هالشيء ما يقارب ست شهور وربي ماكتب لي احمل
وكتبت لكم عن مشكلتي لاني ابي اعرف اذا فيه علاج لضعف الرجل غير التلقيح بانواعه

ياليت تدلوني على طبيب او مستشفى نلاقي عنده الحل باذن الله

وجزاكم الله خير