اتمنى كل ام ترد علي تعطيني من خبرتها

مستء الخيرات
بنات انا عندي ولد عمره سنتين و٨ شهور عصبي مره وعنيد يرفع الضغط
متعلق في ابوه مره وهذا شي كويس
بس انا يشن هجوم وضرب علي مو طبيعي والله ذبحني بالظرب وجر الشعر يرمي كل سياراته علي اتوقع في اي وقت يرمي علي شي
ذاك اليوم رمى علي سياره وجات فعيني
اي شي يزعله فالبيت يجي ويضربني
ابوه يزعله يجي يضربني
مستحيل يكلم ابوه ذاك اليوم بشويش ولدي ضرب ابوه ع يده وصار ولدي يبوس يد ابوه ويقول اسف بابا حبيبي
اما انا بيجيب لي اعاقه واسوي نفسي متوجعه وابكي ويزيد يضرب اقوى حالته غريبه مره
وكمان فيه شي ثاااااني ياويلي وسواد ليلي لو امسكه واحنا برا البيت في سوق ولا اي مكان يصير يصرخ وينسدح وينبطح ع الارض ويبكي يعني بس اطالعه من بعيد وربي خايفه عليه مره رحنا البحر وخايفه عليه بس اطالعه بعيوني ماكني امه وعارفه لو فربت وشلته بيسوي الهباله حقته واحنا معانا ناس وبيفتح عباتي قدام الرجال وبس اقول لابوه روح جيبه ابوه عادي يشيله ً
ولوكنا فالسوق مستحيل يخليني امسك يده
بس مع زوجي
مره دخلنا محل وكان زحمه اشتريت وقال زوجي رحوو برا احسن احاسب واجيكم طلعت واخذته معي
والله لايوريكم انواع الصياح والتسدح والتبطح ع الارض وعباتي انفكت ويسحب في طرحتي شطتي طاحت بالجوال جات وحده الله يسعدها لمت اغراضي معي وربي ركبت السياره ابكككككككي

مدري وش فيه هالولد جنني الله يصلحه بس
مدري وشالحل معه
اول مره اشوف طفل يكرهه امه