اتمنى كل من دخلت تبدي رأيها

السلام عليكم ورحمة الله وبركاته.. مساء الخير خواتي، انا اول مره اشارك بالمنتدى واللي شجعني أني اشوف قلوبكم م شاء الله على بعض مثل الأخوات، انا متزوجه من فتره وعمري تقريبا سته وعشرين سنه كنت من المتفوقات وكنت رئيسة محاضرات مصلى المدرسه في ايام المدرسه لاني كنت من مدارس تحفيظ القران وهي مدارس م شاء الله لا تحتاج للتعريف,انا الحمدالله ي بنات من صغري أخاف من ربي وأخاف يقبض روحي لاني حدث لي مواقف مع الموت ف من يوم تقريبا كان عمري ١٣ كنت م اتوقع اني بعيش لليوم اللي بعده وعشت معاناه م عاشها بشر والحمد الله على كل حال الا اللحضه هاذي انا اعيشها بحكم هالشيء بعدت عن الناس وكنت اكثر م اجتهد فيه ايام المدرسه ننصح للبنات عن الرجال وكنا نسميهم الذئاب البشريه انا والبنات اللي معي وكنت اكرهم لكن مو كيذا ابد قبل تقريبا ٣ او ٤ سنوات تغيرت حياتي كلها في دقائق,حاول يخطفني شاب والحمد لله ربي حفضني لاني أقرء اذكاري و من بعدها حتى م اقدر اوصف المرحلة اللي وصلت لها م اطلع من الباب اكره شيء اسمه رجال الا اخواني وابوي م اقدر أتحمل مكان فيه رجل غريب تجيني اعراض دقات قلب سريعه.تعرق.كتمه.احس المكان يصغر م اقدر أتحمل حتى الطبيب ، من ٣ سنوات يجيني شيء يدفعني للانتحار وانا م ابيه خصوصا لا كان م حولي احد او نائمين الناس انهكت نفسي ووقفت الاكل والشرب عشان م اقدر أوقف او ااذي نفسي م كنت اقدر اقول لأحد امي مره كبيره في السن وتعبانه وابوي مطلقها من صغري ناديت أبوي وبكيت عند رجوله وترجيته يعالجني شيخ ، دكتور نفسي ، اي شيء بس اتعالج قال والله اني تعبان مثلك و لا في يدي شيء وطلع ،خليت امي تتصل على شيخ ويقرء علي على اساس بس بطني اللي يوجعني واستمريت معه ومع اللي اقراه ودعاي لين بداءت اتعايش معه واقواه بدون م اهلك نفسي انا الحمدالله ان شاء الله و م شاء الله دعاي مستجاب لكن انا م اقدر ادعي على احد ابد اقسم بالله شيء غريب م اقدر افتح فمي ادعي على احد'انا ادري كلامي ملخبط وحتى موضوعي لكن طلعت اللي في صدري ومتعبني ،قبل زواجي بشهر دقت حرمة أبوي على زوجي وهي وأختي من أبوي وقالت اني اعرف وأحد والله ضلم وبهتان والله ي ناس اني مفجوعه كيف يضلمون شخص في عرضه ويقذفونه وهذا تعبني وتعب حياتي كلها، انصدمت وتعبت وصرت اتعب كل يوم ومشاكل مع زوجي وأحس اني بديت انهار، انا ودي اواجهها هي وأختي ابي ارتاح هذا كله عشان وش م تخاف من ربي كيف اصلا فكرت وجابت اسم رجال م اعرفه والله، شيء يفجع والله ، في اخر الموضوع ابي منكم رأي هل اواجهها وارتاح والا شسوي ، ثاني شيء اي شخص مبتلى او تعرفونه صدقوني ربي يحبكم فوق م تتوقعون بس خليكم معه واعلمو انه ارحم الراحمين فقط اذا دعوته بهذا الاسم م خلاكم ورددو ه الايه )ربي اني مسني الضر وانت ارحم الراحمين)