اتمنى كل وحده تقرأ موضوعي وتفيدني

السلام عليكم ورحمه الله وبركاته
بنات الله لايهينكم افيدوني وساعدوني
انا صار لي متزوجه قرابه 8 شهور وانتوا تعرفوا بمجتمعنا الخليجي اذا الحرمه ماحملت او تأخرت بالحمل كيف يكون وضعها مع اهل زوجها..
انا وضعي مع زوجي الحمدلله رب العالمين طيبه ومتيقنين ان هالشي بإراده رب العالمين..وسوينا فحوصات ووضعنا سليم ولله الحمد..
مشكلتي هيه ان اخو زوجي تزوج من 3 شهور تقريبا وزوجته حملت على طول ماشاءالله
انا والله العظيم اني ماابا الحقد يعمي قلبي بس اهل زوجي من لما حملت زوجه حميي صار اهتمامهم مكدس لها ومافي على لسانهم غير حمل فلانه ولاتخلونها تتحرك ولاتخلون شي بخاطرها والله اني ماابالغ بس بجد اهتمامهم بدأ ينرفزني وبخصوص انها بتجيب لهم اول مولود بالعايله انا خفت اشتكي لزوجي ان انا اتضايج من هالاسلوب عشان مايفسرها حقد وغيره ولا رحت اشتكي حق امي وازيدها همومي..
وخفت ان زوجي يترسخ براسه ان انا مااحب اسلوب اهله او اني احرضه على اهله..
من نصبح الين نمسي ماعندنا غير سالفه الحمل لاتطبخون هالشي لان فلانه حامل وبيضرها لاتسوون هالشي لان فلانه تتضايج منه
ماصار حمل اقسم لكم بربي
والله اني ادعيلها الله يثبت حملها ويرزقها لذه احتضان جنينها بصحه وسلامه..
ساعدوني بنات الله يحفظكم ماابا هالشي يأثر على نفسيتي ولاتعتبرون هالشي انانيه بس جد انا تضايقت كثير من هالوضع
والسموحه طولت عليكم