اتمنى لو زوجي يرجعني !!!! ( ارجوكم ساعدوني )

السلام عليكم

اخواتي
فيه وحده تقرب لي وعزيزه علي ومضيق صدري وضعها … واحترنا كيف نحل مشكلتها
قلت لها اكتبي مشكلتك وانا اعرضها في المنتدى وياليت تنصحونها وش تسوي
اليكم القصه كما تحكيها هي :

تزوجت من 5 سنوات وبالظبط في 15\7 \99 شاب من اروع ما يكون وسيم ومتدين وكريم وفيه كل الصفات الي تبيها أي وحده في زوجها
سافرت معه مباشره للخارج لانه كان يكمل دراسته وتعلقنا ببعض وعشنا قصة حب كل ما اتذكرها ابكي بحرقه والله

وبعد سنتين رجعنا للوطن وبدأت المشاكل واللي سببها اهله حاربوني بشكل كأني عدوه لهم وكله بسبب ان اخوي الكبير خطب وحده غير بنتهم الي هي اخت زوجي ، وهو موضوع مالي انا يد فيه …وعلمت من احدى اقربائي انهم اساسا ما كانوا مقتنعين تماما بخطبتي ….وكثر الكلام وبدأوا يختلقون المشاكل ويزنون عليه ويصرون عليه يطلقني واهله كانوا بصراحه متسلطين وحقودين رغم تدينهم …..
وبعدين……..

حصل بعيد عنكم الطلاق وافترقنا وياشين هالكلمه ( الطلاق ) تعذبت بشكل من فراقه وجتني حالة اكتئاب ما تتخيلونها لدرجة انه وزني نزل 11 كيلو واصابني فقر دم وصرت اكره نفسي وكل الي حولي …حاولوا اهلي يصلحون الامر لكن بدون جدوى …واذكر انه قبل لا اطلع من العده اتصل فيني مره وكانت خانقته العبره مو قادر يتكلم وكنت فاكرته يبغى يرجعني ..طرت من الفرحه .. لكنه قال لي ان اللي حصل ماهو بيده و يريدني اسامحه عند رب العالمين وان المحبه بتضل بالقلب وانه يتمنى لي التوفيق مع غيره ….والله العظيم كأنه طعني بسكين لما سكر السماعه بعدها ..جلست ابكي بحرقه لدرجة اني استفرغت وانتو بكرامه من شدة البكاء!!


والان مر تقريبا سنه على الطلاق وماني قادره انسى عجزت انسااااااااااااااااه ، صورته ما تفارق خيالي…افكر فيه ليل ونهار …. المشكله انه فيه قرايب لي من بعيد يقربون له وكل ما اشوفهم بالمناسبات او اسمع اخباره بالصدفه يعورني قلبي واجلس كل الليل سهرانه افكر فيه . ومره كنت طالعه مع ابوي بالسياره ومرينا من مقر عمل زوجي وشفت سيارته برى حسيت قلبي ينعصر وحاولت احبس الدموع في عيوني .
انا محتاره .. ودي اكلمه او اكتب له رساله ودي ارجع له !!
بس ما اقدر ما ادري وش راح تكون ردة فعله يمكن تنهان كرامتي او انجرح مره ثانيه

انا خايفه انه يتزوج واذا سمعت هالخبر ساعتها ما ادري وش راح يصير فيني
محتاااااااااااره
انصحوني

==============================

وتحياتي لكم