اتمنى مااحد يخطبني ..

السلام عليكم ورحمة الله

كيفكم ..


انا كتبت عن مشاكلي وفعلا حسيت بمساعدتكم وبأرائكم واستفدت منها كثير

والحين ارجع لكم بمشكلة اكبر واهم

انا يابنات عمري 28 وكم شهر .. ماتزوجت للحين وراضية والحمد الله سعيدة بحياتي .. ومبسوطة .. اعرف ان امر الله كل خير .. واتكيف مع وضعي ..

المشكلة ان كل مااتكيف وانبسط بحياتي وانسى مشكلة تأخر زواجي .. يتقدم احد ويخطبني .. وللاسف كل مره مايتم الموضوع ..

انا مو مشكلتي التأخير في الزواج بقدر مامشكلتي انه كل مره انتكس وتسوء حالتي وهلم جر


احيانا اقول ياليت مااحد يخطبني ع الاقل انسى واعيش حياتي ولا افرح لي يومين ثلاثة واطير في السماء وبعدين اطيح على رأسي

اكيد بتسألون عن اسباب عدم اكتمال الخطوبة .. احيانا مني انا لسبب في العريس واحيانا منهم هم لكن قبل يشوفوني ..

اخر مره كذا فجأة توقف الموضوع ولا عاد ردو رغم انه لاشافني ولا شفته ولا حتى اهله شافوني .. وطبعا بتقولون انه احد خرب ابدا لا لانهم مو من معارفنا ..


انا تعبت وراي التزامات كثير لكن نفسيتي تعبت والتفكير طير النوم من عيني والسهر لخبط حياتي ..