اتمنى مساعدتكم يا بنات تعبت.,,

مرحبا بنات كيفكم..؟؟انا سبق نزلت عن مشكلتي مع زوجي وهذي أخر التطورات اكتبها وانا ابكي ابي مساعدتكم
الحمدلله على كل حال ...يوم العيد زوجي رجعني لاهلي وقال لامي بنتك ست بيت ممتازة بس خواتي ما حبوها وخواتي أهم,,,وربي يابنات ماتتخيلون الصدمه..والي صدمني أكثر الضرب الي اكلته قدامه من أخواني وربي لليوم باقي أثار الضرب في جسمي حسبي الله ونعم الوكيل....وربي قبلها باسبوع ارسلت لخواته وعزمتهم على عشى وهو جالس علمته وانبسط اني بادرت ووريته المسج الي ارسلته لخواته,,,قروة وما ردو عليه الا وحده قامت تسب فيه ,,قلت تبي تحضري حياك الله ماتبي معذوره وحسبي الله ونعم الوكيل على اي احد يكون وصلك انتي وخواتك كلام عني ومانسى موقكم برمضان جيتكم بهالشهر الفضيل نفطر سوا وعفى الله عما سلف وقمتو تهجمتو عليه ,,,المهم حبيباتي يوم العيد قمت من الفجر البخور والفطور وشغلت القران وتكبيرات العيد ولبست لان ابو زوجي يجيني للبيت وبعدين طلع هو وزوجي ودخلت المطبخ قطعت الذبيحه ونظفتها ووزعت عالجيران وطبخت منها لزوجي واكلمه تعال نفطر قال مابي ,,,قلت يمكن مشغول مع ابوه وماشفته يوم العيد الا يمكن 5 دقايق وربي يمكن اقل...المهم ارسلت له عالمغرب مسج قلت بروح اعيد على امي واجلس معاهم مجتمعين ورحت ...هو للامانه قالي زمان روحي لاهلك بدون ما تعلميني مسموحه بس انا ارسل اخاف يصير شي ماحد يضمن الدنيا,,,جاء بالليل يوم العيد قلت تعال اهلي حضرو العشى ننتظرك قال خليك عندهم الليله...نمت واليوم الثاني جاء بعد صلاة الجمعه وانا كنت اطبخ الغداء مع زوجات احواني له ولاخواني....اثاريه قاعد يعبي راس أخواني وانا على نياتي جاء واحد من اخواني المطبخ رمى عليه كلمه وسخه انصدمت قلت بدخل المجلس عندهم اشوف ايش فيه ويقومون عند باب المجلس يضربوني اخواني وهو متكي جالس وانا اصيح بين يديهم واقول والله ماسويت له ولخواته شي واحلف واقسم اني رفعت روسكم قدامه ...مافكني من بين يديهم الا زوجاتهم ...وانا اصيح وهو جالس يشوفني انضرب عند الباب,,,جات امي تهاوشت معاه وربي مو لاقي شي يقوله فيه يابنات لو اعلمك شغلات قالها تضحكون دليل مو لاقي عليه شي بالاخر قال لامي خواتي ما يبونها ماحبوها وخواتي فوق الجميع....قالت امي لو كنت رجال انت تعرف زوجتك كنت عرفت توازن بين بيتك وخواتك مو تظلم بنتي تراها تربيتي ذي..كلام طويل عريض يا بنات صار ولليوم اقسم بالله ما انام الا أبكي وحالتي حاله من القهر والظلم والصدمه الي أنا فيها ...
تكفون بنات ابغى مشورتكم لي ومساعدتكم مالي أحد....انا الان لي سنه يمكن وشهرين متزوجه ورجعت لاهلي زعلانه 4 مرات ودايم انضرب بدون سبب مادري ايش يقو لهم عني ....بس هالمره انضربت وهو جالس وبعدها بيومين رحت بيته اخذت اغاراضي وقالي تعالي نتفاهم قلت ايش نتفاهم عليه انضرب ظلم وانت جالس ...قال كبريائي ما سمح لي ادخل عند زوجات أخوانك امنعك قلت لو تحبني لو هي الف حرمه كنت دخلت تدري اني مظلومه بس والله تراها سجاده افرشها واوجه للقبله وبدعي عليك وعلى خواتك الي خربو بيتي وصدقني بتشوفها انت وخواتك في انفسكم واولادكم ويا بخت من نام مظلوم مو ظالم...وباذن الله عند الله يلتقي الخصوم واخذ حقي منك ومن خواتك قدام وجهه الكريم,,,
ادري طولت يا بنات بس تكفوووووون ابي رايكم...انا راح انسخ كلامي ذا وانزله بموضوع مستقل بنفس القسم وابي رايكم..