اتمنى منكم الدعاء لي بواسع رحمته وبالرزق

السلام عليكم

اعيش وحده قاتله ...

اعيش فراغ كبير ..

اعيش انحدار في النفسيه ..

ادعوربي ليل مع نهار انه يستجيب لي دعائي عشان ارتاح من الهم اللي انا فيه ..

يمكن فيه ناس لو تعرف عن ايش أتكلم بتقول مو هذا اخر الدنيا لو ماصار ..

صحيح مو اخر الدنيا بس انا تعبت والله تعبت نفسيا ...جالسه ابذل جهدي على نفسي

عشان اغير من شكلي ومن جسمي .. عشان اغير نظرة الناس لي

اللي طول عمرهم شايفيني بشعه وموحلوه ..

غيرة جزء من هالنظره بس انا مافي يدي اعيد تكوين جسمي وبنائه

لما اجلس اناظر بالمرايه اقول اللهم لك الحمد كما ينبغي لجلال وجهك وعظيم سلطانك

سبحانه غيرني من حال الى حال مشاء الله تبارك الله اللهم لك الحمد والشكر ياربي

بس بنفس الوقت حاسه انه يبغالي مشوار كبير عشان احقق اللي اتمناه من شكل وجسم

ومدرري ليه ملعقه تحقق هالشئ بشكلي دائما احس اني منبوذه من الناس مع انهم بالعكس

معترفين بتغيري بس احيانا احس اني منبوذه من نفسي .. خاصة عشان الموضوه هذا اللي

مضايقني واقول سبحان الله مدري متى يتحقق لي نفسي اكون مثل هالبنات ومثل صديقاتي

حاسه بالوحده لاني فعلا وحيده بوسط اهلي وعائلتي مالنا علاقه بأحد أمي ماتطلع

ولا تزور احد من زماااان اقطعتنا عن الناس صارو الناس يعاملوني كأني وحده

جايه من كوكب ثاني حتى اذا رحت مع زوجات اخواني مايتكلمون معي الا نادر

وان تكلمو تحسينهم رافعين النفس علي .. ويتظرون لي بستحقار طيب انا وش ذنبي

ليه الناس تعاملني كذا محسسيني بالغربه ... حتى اخواني يهينون فيني على كل وقت

معتبرين الجمال والدلال بزوجاتهم اما انا بنظرهم بشعه ولازم انفذ اوامرهم واوامر زوجاتهم

غير كذاا انا ابغا افتك من هالبيت نفسي ربي يرحمني برحمته ويفرج علي بإنسان تقي

والله جالسه ادعوه في كل وقت صرت اشك بنفسي انه خلاص ماعاد فيه أمل

نفسيتي تعبت انا جالسه اسوي اشياء تقهرني من نفسي اكثر واكثر وتحسسني بالذنب

تجاه ربي نفسي ربي يرحمني برحمته ويريحني ووفقني بحياتي خاصة واني احب الاطفال

خايفه خايفه من العمر اللي ابتدى يطلع الى وين بوصل اخاف اوصل لعمر افقد فيه

الامل في الزواج وفي القدره على الانجاب كل بنت لها عمر معين ماتقدر تنجب فيه

ونا اموت بالاطفال نفسي بأطفال يقولولي ماما والله نفسي ..

انا تعبت على عيال اخواني كثير وبعد ماكبرو الان ماشفنا منهم الخير للأسف

فعشان كذا اتمنى اجيب انا الاطفال عشان تعبي فيهم يكون بمحله

وبنفس الوقت نفسي ارتاح واكون مثل غيري يروحون ويجون مع ازواجهم

مو مع اخواني اللي يمنون علي بتوديتهم لي لأي مكان ...

نفسي اعوض حتى حرماني من الصديقات اللي للأسف كل وحده خذتها الدنيا

ومحد منهم يفكر بصديقاته لولا اتصالاتي عليهم وحرصي على التواصل ولا ماكان كلموني

نفسي بكل شئ بس انا أريد وانت تريد والله يفعل مايريد سبحانه قادر على كل شئ

ياحي ياقيوم برحمتك استغيث

لااله الا انت سبحانك اني كنت من الظالمين

استغفر الله العظيم الذي لااله الا هو الحي القيوم واتوب اليه

اللهم لك الحمد كما ينبغي لجلال وجهك وعظيم سلطانك