اتمنى منكم قرأة قصتي كامله وتعطوني رأيكم تكفوون

السلام عليكم ورحمة الله وبركاته
كيفكم بنات ، اتمني تكونو بأتم الصحه والعافيه ، طبعا أنا سبق وقلتلكم بنزل موضوع يخصني شخصيا ومحتاجه ارائكم ، وسعة صدركم لقراءة موضوعي ، بنات امانه الي تدخل وتقرأ موضوعي ترد ، والله اني في حيره مايعلم فيها الا رب العالمين واتمنى من الكل عدم التجريح بأي شيء ، بس تكفون لا تبخلون ب ارائكم لي .. بدخل بالموضوع على طول ..

أنا حاليا متملكه لي 4 شهور من شاب عمره 28 عادي حالته الماديه متوسطه ومقبول الشكل متعلم ، لاكن بيئته تختلف عن بيئتي يعني هم اقل مستوى مننا ، أنا طبعا عمري 24 ، بنات في البدايه لما جا خطبني شفته بالشوفه الشرعيه عادي حسيت بشعور عادي يعني يميل للارتياح ، وهو طبعا عجبته أنا ، مرت الايام وحددنا موعد الشبكه ، طبعا معروف عندنا السعوديين خاصة الشبكه تكون مختصره يعني ام الولد وخواته وخالته وعمته ، طبعا صار اتصال بين امي وام زوجي ، طبعا امي اتصلت هي عشان تبلغها انو الشبكه مختصره جدا لان احنا ماجا مننا غريب بالشبكه الا مرت خالي ، والباقي خواتي وبنات اختي ، المهم جا يوم الشبكه وجتنا الصاآآآعقه ي بنات ، ام زوجي عازمه ناس فوق المعقول لدرجه والله العظيم ي بنات مجلسنا امتلا مررره ، وخواتي جالسين بالسفره الي هي جنب المجلس لان معد في مكان ، لدرجه انهم ماجلسو مع اهله زين وتعرفو ابدااا ، طبعا امي انحرجت كثيير من هالموقف البايخ ، ومرت خالي كانت حاضره ف اكيد راح تفكر انو امي عازمه هالعالم ، خواتي تضايقو من تصرف امه يعني ماهمها كلام امي ،وفوق هذا كله ي بنات انصدمت أنا طبعا بتصررف امه ، وثاني شيء انهم قراوه مررره ، يعني لبسهم ما كأن مرتب وحلو ابدا ، خوات زوجي خمسه ولا وحده متزوجه لسه بس مارتحت لهم ، ووحده من خواته سمره مره ، هو لونه حنطي غامق شوي ، بس مو اسود ، المهم أنا تضايقت من اهله بصراحه انهم قراوه وفشلوني قدام اهلي حتى يدخلون عند اهلي بالسفره لما كنا نصور بنقطع الكيكه يقولون ماعندكم صحون ، يعني وش هالجرأه الي فيهم عيب مهما كان الواحد عنده ذوق شوي ، وحتى لما راحو ماقالو كثر الله خيركم ماقصرتو ؟؟ المهم مرت الايام وتغاضت امي عن موضوع الشبكه ، وبدينا نحدد موعد الزواج وهنا عاد جت المشكله صدق الي أنا الحين افكر انفصل عنه بسببها ، طبعا بعد الشوفه الشرعيه هو كلم اخوي وقاله عندي شرط اني ما ابي زواج ، المهم اهلي قالو بنسويلك زواج صغير بقاعه صغيره طبعا لي أنا ومختصر ، امي قالت هالكلام لامه ، حجزنا قاعه صغيره 70 شخص بس لانه بنادي القرايب مرره وقلنا بنعطيهم 25 كرت طبعا امي كلمت امه على اساس بتقولها انو مختصر عشان ماتسوي مثل الشبكه وننحرج وهي زي الي ماعجبها ، المهم مر يومين او ثلاث وكلمت امي وهي تنافخ ، تقول لامي كم كرسي لنا قالت امي 25 واحنا مختصرينه ، تخيلو بنات وش قالت بعد لامي ، وشي الطقاقه الي بتجيبونها ؟؟؟ قالت امي مافي طقاقه ردت قالت انتو كل شيء عندكم مختصر مختصر خلاص أنا ماراح اجي الزواج. وهو يجي ياخذ زوجته وخلاص ؟؟؟ تخيلو ي بنات بالله في ام بهالزمن كذا ؟، طبعا بعد الي صار هذا امي عصبت كرررهت امه مرره وقررت ااجل الزواج وامي تضايقت مرره ، وزي اي ام تخاف على بنتها ، فكانت مصره اني أاجله ، تقولي إذا امه وانتي مابعد رحتي لهم سوت كذا وشلون بكره وانتي عندها وش بتسوي ، والمفروض احنا تونا نسايب جداد اخلي صورتي زينه. قدامهم ، طبعا امي من يوم الشبكه حتى خواتي ماحبوهم ، وقراوه وكأن البيت بيتهم ، المهم طبعا الموضوع كبر وامي وصلت لخالي الكلام ، طبعا أنا ابوي متوفي الله يرحمه من زمان ، وخالي مثل ابوي ، خالي تضايق برضو كثير وعصب ، انها بأي حق تتصل وتنافخ ، وتتشرط خالي كلم زوجي وقاله طبعا بأي حق امك تتصل على اختي بهالطريقه ، ووشلون تقول ماراح اجي الزواج ، وهو زواج ولدها ، ومدري ايش ومن هالكلام ، رد زوجي قال ان امه صح غلطانه ، ولما قاله ليه ماتحضر الزواج قاله عشان هي عازمه ناس من اول على الزواج وصعبه تقولهم خلاص الزواج مختصر وهم عازمينها بزواجت عيالهم ، وقال امي راسها يابس ، تخيلووو ي بنات قهرني برده صراحه ، المهم خالي. قاله كلام وماقصر معه ، ولاحضو ي بنات ان امه غلطانه والمشكله صار لها تقريبا 3 اسابيع ولا كلمت امه تعتذر من امي على الي صار ولا شيء ، جلسنا يومين طبعا هو يكلمني ويحاول يقترح حلول ، طبعا أنا مثل ما قلتلكم في البدايه بعد الي صار قررت أاجل الزواج الين بعد العيد لانه هو مقرر ب شهر 7 هجري طبعا ، ف وش كانت حلوله اول شيء قال خلاص يصير الزواج مثل ما احنا نبي وامه ماتجي يجي هو ياخذني وخلاص هذا كلامه اول شيء ، بالله في زواج بالدنيا يصير بدون اهل الزوج ؟؟ بعدها بكم يوم قال خلاص أنا بقوم بالزواج رجال وحريم ، بقاعه حولنا ، طبعا لما قلتلكم اننا حجزنا قاعه صغيره طبعا دفعنا عربون لها ، ولا ساهمو بأي شيء للزواج ، فقالي عطوني العربون أنا بتكفل بالزواج كله ، ونخلص من هالمشكله طبعا رفضنا احنا ، بعدها اخر حلوله بزيد كراسي في القاعه الي خذناها لامه مع ال 25 الي لهم يعني يبحث عن حلول ترضي امه ، وامه باين عليها قويه وشخصيتها قويه عليه وعلى ابوه ، ودليل كلامي انها إلى الحين ما كلمت تعتذر لامي ، وهو ماقدر يقنعها ، كان يقولي وش اسويلها اجرها بالقوه اقولها تعألي ، طبعا صار اتصال بينه وبين خالي ثاني وكان حاد شوي ، المهم بعد الاتصال كلم خالي وقاله ابوي حلف على امي وطلق انها تجي الزواج ، وانا ما كان. ودي يصير كذا تخيلو يقول لخالي كذا ؟؟ هو خذ موقف من خالي لان خالي قاله انو مافي احد يوقف امك عند حدها ، يعني كنه يقوله ابوك مو رجال بشكل غير مباشر، هو خذ موقف ، خالي بعد ماقاله كذا انو ابوي حلف على امي ، قال خلاص القرار قرارك الي هي أنا إذا تبينه او لا ، لان هو خالي كان يمدحه ، بس بعد الي قاله طاح من عينه ، يعني ماقدر يتصرف بالموضوع ، وحتى أنا لاحضت بعض اشياء قبل المشكله امه تدخل فيها ، يعني مثلا قبل المشكله كنا نتكلم على الشقه. الي بياخذها وكان يقولي باخذ بالشفا عند اهلي أنا رفضت قلت أنا ابي عند اهلي ، وقالي ما اقدر اهلك منطقتهم غاليه ، قلت طيب بالنص مع انو المفروض اكون حول اهلي ، طبعا هذا كلام كان بس ووعدني يدور حول خواتي ولا وفا بوعده ، وكان يقولي امي تبيني جنبها بالشفا ، وانا كنت رافضه ويقولي بحاول اقنعها وكل يوم احنا على هالموال قلتلها ورفضت ويوم ثاني قالي ان شاء الله بتلين ومن هالكلام ، وبرضو شغله ثانيه هذي بعد المشكله وبعد حلف ابوه على امه ، كلمني قالي عندي اقتراح قلت وشو قال ليه ماتجيبون طقاقه بالزواج قلت أنا ما ابي قال عشان لما تجي امي مايكون عندها حجه عليكم تخيلووو؟؟؟ وامه الي غلطانه ،طبعا قبل امس امه كلمتني وقالتلي لا يضيق صدرك وانتي مثل بنتي ومن هالكلام ، والمفروض انها تكلم امي اول بعدين تكلمني ، امي طبعا شايله عليها من اول وبعد اتصالها لي شالت زياده ، والشي الثالث بعد المشكله برضو كلمته قلتله خلينا نحل الموضوع احنا وخل امك تكلم امي وخلاص ، قال طيب خلي الموضوع يبرد وبقولها ، وهذا الكلام الاسبوع الي راح ، ولا سوا شيء طبعا امي ودها اليوم قبل بكره انفصل عنه ، لانها خايفه علي من امه ، طبعا أنا سكني لحالي ، بس امي تقول تأثر على ولدها ، وانا هذا الي خايفه منه ، أنا حاليا افكر انفصل عنه ، اهلي يقولونلي إذا انتي حبيتيه هذا شيء ثاني ، بس أنا ما احس بشي ، عادي شعوري اتجاهه ، هو شوي قروي بس مو مثل قراوة اهله ، نضامه نظام شايب ، بس الي متأكده انه يحبني ، ويموت فيني ،وانا ما احس بأي شعور اتجاهه والحين أنا ي بنات ابي ااجل الزواج والي مرجحته اكثر الانفصال ، وهو رافض التأجيل نهائيا وشايف الي صار عادي وتافه يصير عند كل الناس ، طبعا أنا زي اي بنت كان طموحي بشريك حياتي غير كذا ، ف أنا الحين بحيره من امري واهلي يقولون لي القرار لك ؟ وهم طبعا يفضلون الانفصال دامنا على البر ، وانا بصراحه ميولي اكثر للانفصال ، وبنفس الوقت خايفه من عواقبه ، وكلام الناس وقرايبي ، مع العلم انو في كثير ناس سمعت انفصلو قبل الدخول ،وتزوجو وماشيه حياتهم ، أنا برضو الي يمكن ماعلقني فيه انه قليل الاهتمام يعني على الاقل بهالفتره ، الي هي تعتبر اجمل فتره بالزواج أنا ماحسيت بلذتها معه ابدا ، وغير كذا ي بنات من تملكنا إلى اليوم ي بنات ماجاني ابدا الا مره وحده ، ولا جابلي على الاقل هديه ، عطر ، جوال اي شيء ، أنا اهديته ساعه وهو ولا شيء، وخايفه اطلب الانفصال واضلمه ، وبنفس الوقت خايفه اوافق واكمل معه وامه تأثر عليه مستقبلا ، تكفووون لا تبخلون علي .. أنا بحيرررره والله العظيم وكل يوم استخير ، بس حاسه اني ماراح اكون سعيده معه ، ومشاعري اتجاهه عاديه جدااا ، ادري طولت عليكم بنات سامحوني ، اتمنى تفيدوني ب ارائكم ، ولا تبخلون علي ، والله لادعيلها الي ترد علي بصلاتي اخر الليل .. والله يكتب الي فيه الخير :44::44: