اتمنى من الجميع الدخول (موضوع مهم )

السلام عليكم
بدخل في الموضوع بدون مقدمات
بعض البنات الله يهديهم يحطون في جوالاتهم صور خليعه والعياذ بالله
وهم لسى صغار في السن وتشوفها خالتها او اختها اللي اكبر منها ولاتقول لها شي لا وبعضهم تقول لها الله يقطع شرك من وين جبتي الصوره حلوه بالمره
والصور تكون مثيره للغرائز
ومره سمعت ان بنت حاطه في جوالها هذي الصور وجاء خالها اللي اكبر منها ب4 سنين
وكانت منحرجه (مو خايفه يذبحها )منه حيل على الصور ولما شاف الصور تخيلوا ايش قال لها ؟؟


قال لها يحليلك اثاريك منتي سهله حاطه الاشياء هههههههه وضحك بكل استهتار وقال بعدين بنقل منك الصور
ايش هذا الخال وين الاهل عن عيالهم الى الدرجه يصل التفتح والحريه
والمشكله مو عند البنات بس حتى الاولاد
يعني اش الفائدة انك تحط بجوالك مقطع وسخ اوصوره وسخه والكل يجي ويتفرج عليها وبكل تفاخر يتناقلون المقاطع وانت او انتي تتحملون اثامكم واثام الناس اللي قاعدين يتفرجون
ليش ماتصير رقابه ذاتيه على النفس اذا غاب الاهل ؟؟؟ لازم اراعي ان الله يراقبني
وينظر لي
فلا تكن حيث نهاك الله
وكن حيث امرك


ادعولي ان الله يرزقني الاولاد الصالحين البارين ويحفظ بناتي وزوجي