اتمنى من الجميع المشاركة لاول سؤال لي في المنتدى الجميل

السلام عليكم ورحمة الله وبركاته
اسعد اوقاتكم بكل خير غاليات
اتمنى من الله ان يكون الجميع في افضل حال
سؤالي ياغاليات : بداية تردددت كثير في كتابته موضوعي بس لم اشوف اسئلتكم وردودكم وكانكم اخوات في بيت واحد ..يعلم الله تشجعت وحسيت انكم بتساعدوني ربي يسعدكم
المهم راح ادخل في الموضوع : انا تزوجت وعمري 18 سنة وزوجي 20 المهم ياغاليات مشت بنا الحياة والحمدلله ربي رزقنا بالذرية والان متزوجه مايقارب اكثر من 20 سنة ... اخذتنا السنين ونسينا عمرنا
...والان العيال كبرت بس احس اني لازلت شباب والحمدلله ومافي فرق بيني وبين اللي عمرها 30 سنة ...قرقرت كثير ...بس والله اول مره اخذ راحتي في الكلام
المهم ياحبيباتي ناوية اطلع مع زوجي لوحدنا بعيد عن العيال وازعاجهم لو كان ليلة يعني من الليل الى الصباح ... من حقي ولا اعتبر انانية وكمان كيف افاتح زوجي بالموضوع (لانه اول مره نطلع لوحدنا بدون الاولاد) وما ادري يوافق ولا لا .. والله مترددة خايفة يقول الحرمة انجنت ولا مراهقة متاخرة ومن ذا الكلام ..