اتمنى من كل قلبي تساعدوني

انا يتيمة الاب وامي متزوجه وعشت معاها وزوجها كان دايما يعنفني وكنت اتردد اقول لااعمامي لان امي تخاف عليه وماتبغاني اروح واعيش عندهم احترت في وضعي ومن جهه امي كانت تفكر تتطلق عشاني وخفت تتفرق عن اخواني ويعيشون اللي عشته حلفت انه اول واحد يتقدم لي راح اتزوجه وكنت دايم ادعي الله والح بالدعاء لحد ماجاء يوم جاتني امي قالت خطبوك ناس وبيجون نتعرف عليهم اول ماجو كانوا مختلفين عنا من البشره السمراء قالت لي امي الخيره لك اذا راضيه فيه خذيه ولكن بالنسبه لعوائدنا مانزوجهم قلت لاامي خلوني استخير وبالفعل استخرت الله ودعيته وارتحت راحه عجيبه اتجاهه هذا الشخص قدر الله وتزوجنا وكل جماعتي واقاربي واعمامي ماحضرو زواجي بحكم انه مايناسبهم المهم تزوجت ولي معاه سبع سنوات انجبت منه بنت الله يحفظها لي وهو انسان يفوق الوصف طيب وحنون ويراعيني ويخاف الله فيه وفيه كل المواصفات اللي تتمناها اي بنت في زوجها لكن الفترة الاخيره صرت انتبه لتصرفات جماعتي واقاربي معاه مايواطنونه ولايبغون يجيهم في تجمعاتهم رغم انه رجل بمعنى الكلمة ولايتردد في اي شي يطلبونه منه عرفت بعدها من بعض المقربات لي انه عشان هو من السمر مايتشرفون فيه ويخجلون ان الناس يعرفون انه ماخذ بنتهم اتمنى تساعدوني انا احبه واخاف عليه من كلامهم ولو توصل اتطلق منه وارضيهم ماعندي مشكله لكن ماابغاه بيوم ينجرح منهم مع العلم اني حاسه فيه انه فاهمهم وعارف كل شي بس ساكت والله اني بهم مايعلمه الا الله احيانا اقول خطيت يوم تزوجته واحيانا اقول ماله ذنب ودام ماشفت منه شي ليش اخسره وانا مالي بعد الله غيره سند لي اتمنى تساعدوني وتشورون علي وش تسوون لو انتم مكاني