شفتي ؟؟ تبين مثل ردود الأخت عليك ؟؟
ولا مثل رد الي قالت : تلصقي بالحريم يمكن وحدة تخطبك ؟؟
انا يوم قلت لك علاجك الرضا بقضاء الله وقدره ، قلتي كيف تبيني أحس إني متنعمة و أنا وصلت هالعمر بدون زواج
طيب وش تبين نقول لك ؟: ايه صحيح انتي ناقصك شيء كبير وهو الزواج ؟ الله يعينك مدري كيف بتعيشين بدونه ؟؟ طبعاً مارح أقول لك كذا .
وعلى فكرة ، أنا فعلا أشوف الزواج شيء مهم ، لكني مؤمنة إن البنت دامها ما وصلت 60 سنة ، فممكن يجيها نصيبها بلحظة ، وخلال شهرين أو ثلاث ممكن يجيها النصيب + توافق + تملك + تتزوج + تحمل بعـد ! وقد شفنا هالأحداث بالعائلـة ..
فعشان كذا ما أحسك بمصيبة كبيرة ، الحين عمرك 33 يعني قدامك أقل شيء 12 سنة يمديك تحملين و تولدين فيهم
بهالزمن 33 كثير يتزوجون فيه و بعده ، ويجي نصيبها حلو بعد !! ما أحب الي تقول تزوجت وبس ، يمكن تزوجت واحد شايب أو معدد ـ. ما أعتبره زواج حلو ،
لكن الي شفتهم يتزوجون بهالعمر فعلاً صدقيني يكونون أخذوا شباب رائعين ، سواء أعزب أو مطلق المهم إنه كويس و مواصفاته كويسة و يحبها و طاير فيهـا بعـد !!
فخلاص حبيبتي لا تطرحين همومك هذي لناس ما تعرفين كيف يردون عليك .. يمكن يزيدون همك هـم !!
يمكن بعد سنة ، لما تكونين متزوجة وببيت زوجك وعرفتي نصيبك ، تضحكين على شعورك وتفكيرك هذا بهالموضوع ..
وترى هالشيء حاصل من مواضيع المنتدى القديمة .. لما كان المنتدى على ايام عزه سنة 2008 و 2009 .. كان مليااان ملفات مواضيع بنات متأخرات بالزواج
وأشوفهم بعدين يتناقصون ، و يحطون مواضيع انهم متزوجات و حوامل بعد ، و يقولون للباقين لا تيأسون وترى بلحظة يتغير حالـك
فإنتي لا يضيق صدرك ترى الشيطان أسرع شيء يسويه إحزان المؤمن .. عشان ييأس من رحمة ربي .. و يحل عليه غضب الله -لا قدر الله-
شفتي ؟؟ تبين مثل ردود الأخت عليك ؟؟
ولا مثل رد الي قالت : تلصقي بالحريم يمكن وحدة تخطبك...
فالفرج قريب