- رجعت لكم بعد طول غياب و ابشركم ولدت بالسلامة و جبت توأم بنت و ولد ماشاء الله لاقوة الا بالله👦👧
واتمنى تكونوا بافضل صحة و حال يا رب
اولا ياحبيباتي اعتذر عن كل اللي يردون بمواضيعي و ماارجع ارد عليهم اسفة والله العذر و السموحة 💜
ثانيا جيتكم عارفتكم ماتخذلوني وانتم مثل خواتي و واحب افضفض لكم واخذ بشوركم 🌺
السالفة و مافيها اني مرررررة متضايقة من تغير زوجي علي!!
بعد الاربعين رجعت له و توقعت بيكون مررة مشتاق لي لكن للاسف والله ماشفت الا البرووود و كل يوم يقول شرايك لو تروحين لاهلك و تنامين يومين علشان يساعدونك عالعيال!!!!
للعلم عندي بنت عمرها سنة و نصف مررررة متعبتني الله يصلحها والصراحة لازم احد يساعدني على عيالي ولا بعد مع مسؤلية البيت ااااخ بس الله يعين
ماقصر و قدم لي على خدامة بس لسى ماجت و جاب لي بالشهر بس ماحبيت شغلها و طردتها
فصار كلش فوق راسي وهذا اثر على نفسيتي و صرت عصبية و انفعل من ادنى سبب لو بنتي تخرب شيء عصبت عليها و اصارخ وانا ماودي والله بهالشيء لكن احسه شيء لا ارادي!
من غير مسؤلية التوأم هذا يصيح و وهذا تعبان وووو 💔💔💔💔💔💔💔💔
زاد علي القولون زودن على كل هذا امس اقلب فجوال زوجي و قريت رسالة من خويه كلام من ضمنه ذكر اسمي يقصد شيء ثاني ورد زوجي عليه قال فلانة!!! لاااتذكرني فيها!!! وقال خويه لاا مااقصد خبلتك!!!! و رد زوجي بضححححكة!!
خير ان شاء الله!!
انصدمت وش هالجرأة خويه يتكلم على زوجته وهو عادي يضحك!! ولاهمه! ان دل فهذا يدل على امه متكلم عني عند خويه او متشكي منه الله اعلم !
ااااه يابنات تخيلوا بنتي الصغيرة تصيح و انا اصيح بغير عقل و مو بيمها
والله اني محتاجته يكون قريب مني مثل اول بس ليش متغير!!!
حتى العلاقة ماقد طلبها الابعد ما لمحت له انا!! واستحيت بعد حسيته عيب خخخ
ااااخ ياقلبي وش اقول وش اخلي
من غير الافلام و الصور و الوساخة اللي يرسلونها اخوياه على جواله💔💔💔💔💔💔
للعلم ماهووو مقصر علي من ناحية طلعات و مصروف و البيت و اطفاله لكن احسه بعيد عني مو مثل اول اتمنى فهمتون
دموعي ملت الوسادة
و كحلي سااااال عليها💔
#فضفضة_قمورة